യോവാബ് അമ്മോന്യരെ നശിപ്പിക്കുന്നു
20
1 വസന്തത്തില്‍ യോവാബ് യിസ്രായേല്‍സേനയെ യുദ്ധരംഗത്തേക്കു നയിച്ചു. വര്‍ഷത്തിലെ ആകാലത്താണ് രാജാക്കന്മാര്‍ യുദ്ധത്തിന് പുറപ്പെടാറുള്ളത്. എന്നാല്‍ ദാവീദ് യെരൂശലേമില്‍ തന്നെ തങ്ങി. യിസ്രായേല്‍സേന അമ്മോനിലേക്കു ചെന്ന് ആ രാജ്യത്തെ തോല്പിച്ചു. അനന്തരം അവര്‍ രബ്ബാ നഗരത്തിലേക്കു പോയി. സൈന്യം നഗരത്തിലേക്കു പോയി. സൈന്യം നഗരത്തിനു ചുറ്റും താവളമടിച്ചു. ജനങ്ങള്‍ നഗരത്തിനകത്തേക്കും പുറത്തേക്കും കടക്കുന്നതു തടയാനായിരുന്നു അവരങ്ങനെ ചെയ്തത്. പൂര്‍ണ്ണമായും നശിക്കുംവരെ അവര്‍ രബ്ബാനഗരത്തെ ആക്രമിച്ചു.
2 ദാവീദ് അവരുടെ രാജാവിന്‍റെ* അവരുടെ രാജാവിന്‍റെ അഥവാ അമ്മോന്യരുടെ ദേവനായ മില്‍കോമിന്‍റെ. തലയില്‍ നിന്നും കിരീടമെടുത്തു. ആ സ്വര്‍ണ്ണക്കിരീടത്തിന് എഴുപത്തഞ്ചു പൌണ്ട് ഭാരമുണ്ടായിരുന്നു. കിരീടത്തില്‍ അമൂല്യങ്ങളായ കല്ലുകളുണ്ടായിരുന്നു. കിരീടം ദാവീദിന്‍റെ തലയിലണിയപ്പെട്ടു. പിന്നീട്, രബ്ബാനഗരത്തില്‍നിന്നും കൊണ്ടു വന്ന വിലപ്പിടിപ്പുള്ള അനേകം സാധനങ്ങളും ദാവീദിനുണ്ടായി.
3 രബ്ബാ നിവാസികളെക്കൊണ്ട് ദാവീദ് അറക്കവാള്‍, കൂന്താലി, കോടാലി എന്നിവ കൊണ്ടുള്ള പണികള്‍ എടുപ്പിച്ചു. അമ്മോന്യരുടെ എല്ലാ നഗരങ്ങളോടും ദാവീദ് അതേ കാര്യങ്ങള്‍ ചെയ്തു. അനന്തരം ദാവീദും മുഴുവന്‍ സൈന്യവും യെരൂശലേമിലേക്കു മടങ്ങി.
ഫെലിസ്ത്യരാക്ഷസന്മാര്‍ വധിക്കപ്പെട്ടു
4 പിന്നീട് യിസ്രായേല്‍ജനത ഗേസെര്‍ പട്ടണത്തില്‍വച്ച് ഫെലിസ്ത്യരുമായി യുദ്ധം ചെയ്തു. അക്കാലത്ത്, ഹൂശാത്യനായ സിബ്ബെക്കായി സിപ്പായിയെ വധിച്ചു. മല്ലന്മാരുടെ പുത്രന്മാരിലൊരുവനായിരുന്നു സിപ്പായി. അങ്ങനെ ആ ഫെലിസ്ത്യര്‍ യിസ്രായേലുകാര്‍ക്കു അടിമകളെപ്പോലെയായി.
5 മറ്റൊരിക്കല്‍, യിസ്രായേല്‍ജനത, ഫെലിസ്ത്യജനതയുമായി ഒരു യുദ്ധം കൂടി ചെയ്തു. യായീരിന്‍റെ പുത്രനായ എല്‍ഹാനാന്‍ ലഹ്മിയെ വധിച്ചു. ഗൊല്യാത്തിന്‍റെ സഹോദരനായിരുന്നു ലഹ്മി. ഗത്തുകാരനായിരുന്നു ഗോല്യാത്ത്. ലഹ്മിയുടേത് വളരെ വലുതും ഭാരിച്ചതുമായ ഒരു കുന്തമായിരുന്നു. ഒരു നെയ്ത്തുതറിയുടെ തൂണിന്‍റെയത്ര വലിപ്പം അതിനുണ്ടായിരുന്നു.
6 പിന്നീട് യിസ്രായേലുകാര്‍ ഗത്തുപട്ടണത്തില്‍വച്ച് ഫെലിസ്ത്യരുമായി മറ്റൊരു യുദ്ധം കൂടി ചെയ്തു. ആ പട്ടണത്തില്‍ ഭീമാകായനായ ഒരാള്‍ ഉണ്ടായിരുന്നു. അയാള്‍ക്ക് കൈകളിലും കാലുകളിലുമായി ഇരുപത്തിനാലു വിരലുകളുമുണ്ടായിരുന്നു. ഓരോ കൈയിലും ആറു വിരല്‍വീതവും ഓരോ കാലിലും ആറുവിരല്‍ വീതവുമുണ്ടായിരുന്നു. അയാളും രാക്ഷസന്മാരുടെ പുത്രന്മാരിലൊരുവനായിരുന്നു.
7 അയാള്‍ യിസ്രായേല്‍ജനതയെ പരിഹസിച്ചപ്പോള്‍ യോനാഥാന്‍ അയാളെ വധിച്ചു. ശിമെയയുടെ പുത്രനായിരുന്നു യോനാഥാന്‍. ശിമെയാ ദാവീദിന്‍റെ സഹോദരനും.
8 ഗത്തുപട്ടണത്തിലെ രാക്ഷസന്മാരുടെ പുത്രന്മാരായിരുന്നു ആ ഫെലിസ്ത്യര്‍. ആ രാക്ഷസന്മാരെ ദാവീദും അയാളുടെ ദാസന്മാരും വധിച്ചു.