□6:2 «... Aⱨ, beximƣa qüxkǝn barliⱪ bala-ⱪaza bular , yǝni dǝrdlik zarlirim bilǝn billǝ tarazilansa!» — Ayupning bu sɵzi: «dǝrdlik zarlirim» wǝ beximƣa qüxkǝn bala-ⱪazalar tarazada selixturulsa, ǝmǝliyǝttǝ mening zarlirimning az ikǝnliki kɵrünidu, degǝn mǝnini ɵz iqigǝ elixi mumkin.
□6:4 «Ularning zǝⱨirini roⱨim iqmǝktǝ» — yaki, «Ularning zǝⱨǝri roⱨimni yǝp ketidu».
□6:10 «Ⱨǝtta ... xadlinattim; qünki Muⱪǝddǝs Bolƣuqining sɵzliridin tanmiƣan bolattim!» — Ayupning bundaⱪ oylixi: «Əgǝr ⱨazir Huda mening jenimni alsa, mǝn Uningdin yüz ɵrümigǝn mana muxu qaƣdila alsa boptikǝn; biraⱪ bu azab-oⱪubǝtlǝr dawamlaxturulsa, mǝndǝ nemǝ ɵzgirixlǝr bolar, mǝn Hudadin tanimǝnmu ⱪandaⱪ? Xunga yahxisi U ⱨazir meni ǝpkǝtsǝ, ⱪattiⱪ bir zǝrbǝ bilǝn ǝpkǝtsǝ mǝyli» degǝndǝk mǝnini beridu.
□6:14 «Ümidsizlinip ketiwatⱪan kixigǝ dosti meⱨribanliⱪ kɵrsǝtmiki zɵrürdur; bolmisa ...» — ayǝtning baxⱪa birnǝqqǝ tǝrjimiliri bar. Bularning biri: «Ⱨǝtta u Ⱨǝmmigǝ Ⱪadirdin ⱪorⱪuxtin ayrilƣan bolsimu, ümidsizlinip ketiwatⱪan kixigǝ dosti meⱨribanliⱪ kɵrsǝtmiki zɵrürdur».
□6:15 «aldamqi eriⱪ» — qɵl bayawanda tuyuⱪsiz eⱪixtin tohtaydiƣan eriⱪ. Yoluqilarning muxundaⱪ eriⱪⱪa ixinixi intayin hǝtǝrlik, ǝlwǝttǝ. 20-21-ayǝtlǝrni kɵrüng.
□6:17 «Ⱨawa issip kǝtkǝndǝ, izidin yoⱪilip ketidu» — demǝk, ǝng kerǝk bolƣan waⱪitta bu eriⱪlar ƣayib bolidu.
□6:19 «Xebaliⱪ sodigǝrlǝrmu ularƣa ümid bilǝn ⱪaridi» — yaki «Xebaliⱪ sodigǝrlǝrmu ularƣa uqraxni ümid ⱪilatti».
□6:22 «Manga mal-mülükliringlardin ⱨǝdiyǝ ⱪilinglar?» — degǝnni ⱪaqan dǝp baⱪⱪan?» — Ayup u dostliriƣa ⱨeqⱪaqan ⱪǝrzdar bolup baⱪmiƣan. U: «Silǝrdin pul yaki mal-mülük kütkinim yoⱪ, silǝrdin kütkinim pǝⱪǝt azraⱪ ⱨesdaxliⱪ yaki meⱨribanliⱪ, halas» demǝkqi.
□6:25 «Biraⱪ ǝyibliringlar zadi nemini ispatliyalaydu?» — xu waⱪitⱪiqǝ Ayupning üq dosti arisidin pǝⱪǝt Elifaz sɵz ⱪilƣan. Ayup «ǝyibliringlar» (kɵplük xǝkli) degǝn sɵzi bilǝn ularƣa: «Silǝr yenimƣa kelixtin awwal ǝⱨwalim toƣruluⱪ til biriktürüwalƣan ohxaysilǝr» dǝp puritiwatidu.
□6:26 «Ümidsizlǝngǝn kixining gǝpliri ɵtüp ketidiƣan xamaldǝk tursa,...» — Ayup bu gǝpliri bilǝn ɵzümning bǝzi sɵzlirimning ⱨǝddidin exip kǝtkǝnlikini bilimǝn, dǝp etirap ⱪilƣan bolsa kerǝk. Baxⱪa birhil tǝrjimisi: «Silǝr pǝⱪǝt sɵzlǝrnila ǝyiblimǝkqimusilǝr, ümidsizlǝngǝn kixining gǝpliri naⱨayiti ɵtüp ketidiƣan bir xamaldǝkla dǝp ⱪarimaⱪqisilǝr?».
□6:27 «Dost-buradiringlar üstidǝ sodilixisilǝr!» — baxⱪa birhil mǝnisi: «Silǝr dost-buradǝrlǝr üqün ora kolixisilǝr».
□6:29 «Qünki ɵzümning toƣriliⱪim tarazida turidu» — yaki: «Qünki bu ixta ⱨǝⱪ mǝn tǝrǝptidur».