11
Gumazim nɨghnɨzir gavgavim Godɨn iti
Devit onger akar kam osiri.
An onger akabar faragha zuir gumazim gɨnɨghnɨgha, onger akar kam osiri.
1 Onger Akaba 2:12; 121:1Kɨ nɨghnɨzir gavgavim Ikiavɨra Itir Godɨn ikia kamaghɨn fo, a na geghuva nan gari.
Nɨ ti onganigh kamagh na mɨkɨm suam,
“Nɨ kuarazimɨn mɨn mɨghegh mɨghsɨamɨn mavanang.”
2 Onger Akaba 37:14; 64:3-4Guizbangɨra, gumazir kuraba uan barir pibagh afegha gɨfa.
Me amɨnirbɨrimɨn uan baribar gumazir aghuibagh asasava ami.
3 Onger Akaba 87:1; 119:152Gumazamiziba arazir aghuiba ateghtɨ biziba bar ikuvightɨ,
gumazir arazir aghuibar gɨn zuim manmaghɨra damuam?
4 Maika 1:2; Matyu 23:16-22Ikiavɨra Itir God uan Dɨpenimɨn aven ikiavɨra iti.
A uan Nguibamɨn atrivimɨn ikiavɨra iti,
egha gumazamiziba amir biziba a bar moghɨra dar gara da tuisɨsi.
5 Jenesis 22:1; Jems 1:12Ikiavɨra Itir God, a gumazamizir aghuiba ko kuraba uaghara men araziba tuisɨgha men gari.
Egha gumazir mɨsoghasa ifongeziba,
a uan navir averiamɨn aven bar men aghua.
6 Onger Akaba 75:8; Jeremaia 4:11-12; Esekiel 38:22An avir bar puvɨra isia feim gumazir kurabagh inge.
Kar a men ivezir kuram ikarvazima,
men mɨkarziba bar puvɨra men feima me mɨzazir kuram isi.
7 Onger Akaba 7:9-11; 16:11; 33:5Guizbangɨra, Ikiavɨra Itir God arazir aghuibagh ami.
A uabɨ arazir aghuim bar a gifonge.
Gumazamiziba an akam baragh an gɨn mangɨva,
an guamɨn ganam.