2
Amanaji Jonás isaikaki imotyaaki nijaawiri
1 Ikanta yamanaji Jonás isaikaki imotyaaki nijaa-wiri, 2 ikantzi:
¡Pawá! Noñaakiro nokimaatsi-waitaka, nokampi-takimi. Pikaminthaakina awiroka.
Pikimakina nokaimi kaminkari-masiki.
3 Pookawi-takana osaankanatzi inkaari,
Onosika-nakina osinchaari.
Aanakina omoitonkari.
4 Ari nokantziri: ¡Pawá! Pookakina.
Airo noñaajiro pitasorintsi-pankoti.
5 Othonka anaakina nijaa,
Opyaakina osaankanatzi inkaari.
Tima inthonkyaa ankowiinatakina samantosha.
6 Notsitsiyanaki inthompointa nariita-paintaro kipatsi.
Kimiwaitaka nasi nowiro nosaikimi tsika yasitakoi-takinami.
Iro kantacha Nowinkathariti Pawa, awiroka owawisaa-kotaana nonkamimi.
7 Ikanta nokamimataki, nokinkithasiri-tanajimi awiroka, Pawa.
Pikimakiro namanani pitasorintsi-pankotiki.
8 Ikaratzi pinkatha-waitziriri isiyakaaro pawaniro,
Ti itsipatzimaityaami.
9 Irooma naaka, kaminiinka nompaasoonkitimi,
Nompomi-tajimiri natsipi-takaani nasitakaamiri.
Aritaki nantajimiro nokantzimiri.
Tima apatziro pikanta-kaaro Pawa, piwawisaa-kotantzi.
10 Ari ikantakaajari Pawa yoka nijaa-wiri, ikamarankairi Jonás othapyaaki inkaari.