23
Iiñawaitakiro Balaam iiyomitaakiriri Pawa
1 Ari ikantanaki Balaam: “Piwitsikina aka 7 pomitai-rontsi. Piwamaina 7 kiripiri vaca aajatzi 7 pasini ipiraitari.” * vaca = becerro, ipiraitari = oisha = carnero 2 Imatakiro Balac okaratzi ikantakiriri Balaam. Ari itsipatakari Balac yoka Balaam ipomitakiri aparoni kiripiri vaca, aajatzi aparoni ipiraitari okaratakira 7 pomitai-rontsi. 3 Ikantzi Balaam: “¡Pinkatharí! Ari pisaika-wintawakiri pipomitani. Nojatawaki naaka, onkamintha imonthai-yaana Pawa. Aritaki nonkaman-takimi awiroka onkarati inkantinari.” Jatanaki Balaam ikinakiro opitziryaa-masitaka otzisi.
4 Ikanta imonthaakari Pawa yoka Balaam, ikantzi Balaam: “¡Pawá! Nokantaki iwitsikaiti 7 pomitai-rontsi, nopomitaki aparoni vaca aajatzi aparoni ipiraitari okaratakira 7 pomitai-rontsi.” 5 Ari ikantakaakaro Pawa iyotiro Balaam iñaawaitiri, ikantakiri: “Pimpiyi isaikaki Balac, pinkamantiri okaratzi nokanta-kimiri naaka.” 6 Ari ipiyaari Balaam iñaapajiri Balac isaikawin-tziri ipomitani, itsipayi-takari inampiri-payi Athataa-wini-satzi. 7 Ari iñaawai-tanakiro Balaam iyotakayi-takiriri ñaantsi, ikantanaki:
Nopoñaakaro Tonkaariitoniki yamakina Balac,
Nokinapaakiro otzisi-masiki tsika isitowa-piintzi ooryaatsiri, ikaimakaan-takina Iwinkathariti Athataa-wini-satzi, ikantakina:
“¡Pimpoki, pintakishiri Israel-iiti!
¡Pimpoki, pimishatiri icharini-payi Jacob!”
8 ¿Paitama nontakisan-tyaariri naaka kaari inintzi Pawa intakisaitiri?
¿Paitama nomisha-tantyaariri naaka kaari imishatzi irirori Pawa?
19 Tima yoka Pawa, ti isiyaari atziri-payi thaiyawaari,
Ti inasityaaro okaratzi ikinkithasiri-takari.
Aririka inkanti: “Iroka nantiri.” Aritaki yantakiro.
Imonkara-tziro maaroni ikasiya-kaantziri.
20 Ikantai-takina naaka nontasonka-wintanti.
Tima imatakiro Pawa itasonka-wintantaki irirori, airo nomatajiro naaka noipyaa-ñaani-tajiri.
21 Ti iñiitajiro iyaari-pironka icharini-payi Jacob,
Ti iñiitajiro aajatzi ikowiinka-takowaitzi ishininka-payi Israel-iiti.
Tima yasi iwiro itsipata-piintakari Iwawani.
Iriitaki itharowin-tapiin-takari iwinkathari-titaari.
22 Tima yoka Pawa, amajiriri isaikawitaka Apitantoniki,
Otzimimo-tziri isintsinka osiyaaromi isintsinka katsi-mari-payi. † katsi-mari-payi = búfalo
23 Tikatsi ompaitzi-motyaarini icharini-payi Jacob takisaantsi,
Tikatsi ompaitzi-motyaari Israel-iiti mishataantsi.
Iroñaaka ankanta-taitiri Israel-iiti:
¡Oshiki yantzimota-kimiri Pawa kaari iñaapiin-taitzi!
24 Ikimitakari kashikari yokaiti,
Ikatziya yasaryaanta.
Airo imorinka irojatzi yatsikan-takyaariri yatsikani.
Iiranakiro iriraani iwamaani-payi.
25 Ari ikantanaki Balac: “¡Balaam! Ti pinintatyii pimishatiri, airo pitasonka-wintairi aajatzi.” 26 Ikantzi Balaam: “¡Balac! Tima nokantzi-takami: ‘Onkarati inkantinari Pawa, irootaki nantiri.’ ”