15
Khankhawngsä he la Khuikhanak he Anghnu säih
1 Acunüng khana kyühkhyai phya lü cäicat vaia kyäpsawki msingnak akce ka hmuh. Acunüng Pamhnama mlungsonak anghnu säih mdankia khankhawngsä khyüh la khuikhanak khyüha kyakia, akbäihnak he cun ka jah hmuh.
2 Acunüng mei am ngcawkia tuihmanua mäih mat pi ka hmuh. Sakyung la Sakyunga juktuha, a ngming tähnak taki he pi jah nängkie cun ka jah hmuh. Pamhnam naw a jah peta tumkhawng he jah kpawmei u lü tuihmanua peia ngdüi u lü, 3 15:3 Ex 15:1Pamhnama m'ya Mosia ng’äi la Tomeca ng’äi,
“Aw Bawipa Pamhnam,
ahmäi na mkhütki,
Na bilawh he hin hlüngtai u lü kyäpsawk ve u;
Nang khyangmjü he* 15:3: khyangmjü heavang üng khawkum he tia ami yuk. naküta Sangpuxang, Na lam he cun ngsungpyun u lü ngsing ve u.
4 15:4:Jer 10:7; Sal 86:9Aw Bawipa, u naw am ning kyühei lü,
U naw na kyäpsawknak a sangkhap vai ma khai ni?
Nang däng na ngcimcaihki;
Na bilawh ngdüngdaiki he cun ami hmuh pänga kyase,
Khyangmjü he naküt naw ning
sawhkhah law khai he,” ti u lü ng’äiki he.
5 15:5 Ex 38:21Ahin ngpäng se khankhawa, ngcimcaihkia Samca awmnak Temple nghmawng law se ka hmuh. 6 Temple üngka naw khuikhanak khyüh kpawmkia khankhawngsä he khyüh cun suisak akbawk kcang jah suisa u lü, ami mkyang üng xüi ksawmyüi jah vawp u lü lut lawki he. 7 Acunüng xüngseikia xüngksei kphyü üngka mat naw khankhawngsä he khyüh üng anglät se xüngseikia Pamhnama mlungsonak am bekia xüi khawt khyüh a jah pet. 8 15:8: Ex 40:34; 1Sang 8:10,11; 2Khro 5:13,14; Hesa 6:4Acunüng Temple cun Pamhnama hlüngtainak la johit üngka meikhu am beki; khankhawngsä he khyüha lawpüi mkhuimkhanak khyüh am a düt hama küt üng Temple k’uma u am lut thei.