43
Ndi mu tibitira Rurema
1 E Rurema, yaba bandu batakutwaziizi.
Ku yukwo, umbulanire imbere lyabo, halinde ndonge ukuli kwani.
Ee! Ungize mu banabibeesha, na mu banangora-mabi.
2 E Rurema, we ndi mu tibitira.
Aahago! Kituma kiki wanyibagira?
Na kituma kiki wandekeerera ngizagi genda ngaalira?
Si abagoma bagweti bagandibuza bweneene!
3 E Rurema, undumire umulengeerwe gwawe noꞌkuli kwawe,
bibe byo bigakizi ndongoora.
Binandwale ku mugazi gwawe mweru,
halya handu ho utuuziri wenyene.
4 Haaho, na ngende ha katanda kaawe.
Mukuba, we ngweti ngashambaalira,
unali we busiime bwani.
E Rurema wani, ngakizi kuyivuga, mu kukizi lasa inzeeze.
5 E mutima gwani, kituma kikagi ukoli jengiirwi,
unakoli shengusiri?
Ubiikage umulangaaliro gwawe imwa Rurema.
Ye mu ngiza, ye na Rurema wani.
Ee ma! Ngaki shubi múyivuga.