101
Mwami alagaania
1 Izaburi ya Dahudi.
E Nahano, ngakizi kuyimbira inyimbo zoꞌbwivuge,
na ngizi menyeesania ngiisi kwo uli mu kundana,
na ngiisi kwo ukwaniini.
2 Na nviitirwe ukutuula buzira kashembo.
Aaho! Ugayiji ndabaala mangoki?
Mu nyumba yani, ngatuula ku njira íkwaniini.
3 Ndâye bande amasu ku bitali nga byo.
Ikyanya abandu bagakuhinduliraga ingoto, ngaabona buligo.
Naꞌbandu mwene yabo, ndagabayegeera.
4 Yabo bandu, ikyanya bagayitoneesa ku mabi,
ndagabatwaza, si ngakizi babona buligo,
na nyisumbure hala bweneene.
5 Ikyanya abandu bagakizi gamba abatuulani baabo, ngakizi yami bahulisa.
Neꞌkyanya bagakizi yikangaata,
banabe bali mu kyokolana, ndagabalekeerera.
6 Ikyanya ngaleeza amasu mu kihugo,
ngakizi lola naaho ku bemeera.
Boohe naaho, bo tugakizi kombeeranwa.
Ee! Ngiisi ábagakizi ngolera naaho,
bali baabalya bazira kashembo.
7 Si abanabibeesha boohe, ndagahanguula kwo bakizi ngolera.
Ndaanaye munabibeesha úgahanguulwa kwo anyegeere.
8 Balya banangora-mabi booshi,
ngiisi lusiku ngakizi bashaaza mu kihugo.
Ndagabalekeerera, mbu bakizi libuza abandu mu kaaya ka Nahano.