1 ઇઝરાયલ કહો કે,

“તેઓએ મારી યુવાવસ્થાથી મને બહુ દુઃખ આપ્યું છે.”

2 “મારી યુવાવસ્થાથી તેઓએ મને બહુ જ દુઃખ આપ્યું છે,

તેમ છતાં તેઓ મને હરાવી શક્યા નહિ.

3 મારી પીઠ પર હળ ખેડનારાઓએ હળ ચલાવ્યું છે;

તેઓએ લાંબા અને ઊંડા કાપા પાડ્યા છે.

4 યહોવાહ ન્યાયી છે;

દુષ્ટોએ બાંધેલાં બંધનો તેમણે તોડ્યાં છે* 129:4 યહોવાહ દુષ્ટોના બંધનોથી બચાવે છે.”

5 સિયોનને ધિક્કારનારા બધા

અપમાનિત થાઓ અને પાછા ફરો.

6 તેઓ ધાબા પરના ઘાસના જેવા થાઓ

કે તે ઊગે તે પહેલાં કરમાઈ જાય,

7 જેથી કાપનાર પોતાનો હાથ

અને પૂળા બાંધનાર પોતાની બાથ ભરી શકતો નથી.

8 તેઓની પાસેથી જનારા એવું કહેતા નથી કે,

“યહોવાહનો આશીર્વાદ તમારા પર હો;

યહોવાહના નામે અમે તમને આશીર્વાદ આપીએ છીએ.”