1 Josiaspa wamran Joacim* 2Rey. 24.1; 2Crón. 36.5–7; Dan. 1.1–2 chuscu watana Judäpa raynin caycaptin Neriaspa wamran Barucga isquirbiycaran profëta Jeremías nishanta. Chayno isquirbiycaptin Jeremiasga Baructa niran: 2 «Baruc, gampämi Israelcunapa Tayta Diosnin cayno nishurayqui: 3 ‹Gamga niycanqui: «¡Cuyapaypämi cä! ¡Tayta Diosga manami imatapis alli cajtaga tarichimanchu. Fiyupa llaquicuycaptëpis mastaraj ñacaycächiman! Nogaga wagar ñacashpä yamacashanami caycä. Manami jamaytapis tarishcächu» nir. 4 Ichanga noga Tayta Diosmi në: Nogaga rurashäcunatami illgächë. Lantashäcunatami achurë. Chaynömi rurashaj llapantapis cay pachacho cajtaga. 5 ¿Imaypis mana charashayquitachu mañacamayta munanqui? Ama mañacamaychu ari. Nogaga fiyupa ñacaycunatami llapan runacunaman chayachimushaj. Gamtami ichanga maypa aywaptiquipis cawayllapis cawanayquipaj yanapäshayqui. Noga Tayta Diosmi chayno në.› »