112
Alli runa imano cashanpis
1 ¡Aleluya! ¡Tayta Diosga alabasha cachun!
Álef
Cushishami cawanga Tayta Diosta rispitaj cäga,
Bet
mandamintuncunata cumlej cajpis.
Guímel
2 Alli runapita mirajcunami cay pachachöga munayniyoj canga.
Dálet
Alli runacunapita mirajcunaga bindisyuntami chasquenga.
He
3 Wasincho ima-aycancunapis manami pishengachu.
Vav
Pï-maypäpis allimi canga.
Zayin
4 Alli runacunapäga chacajcho caycaptinmi achqui yurircusha.
Jet
Tayta Diosga alli shongumi, cuyapäcojmi, allillata rurajmi.
Tet
5 Alli runaga pitapis macyaycunmi.
«Ristamay» niptinpis ristaycunmi.
Yod
Nigusyutapis mana engañaypami arun.
Caf
6 Chaynöpami mana alliman mana chayanchu.
Lámed
Alli runataga imaypis yarparaycangami.
Mem
7 Mana alli willapacunata wiyarpis manami manchacunchu.
Nun
Alli runaga mana cachaypami Tayta Diosllaman yäracuycan.
Sámej
8 Manami imapitapis yarpachacunchu, ni manchacunpischu.
Ayin
Payta chiquejcuna mana alliman chayajtapis ricangarämi.
Pe
9 Pobricunata yanaparga achca achcami imatapis goycun.
Tsade
Pï-maypäpis allimi canga.
Qof
Pï-maypitapis rispitashami goyanga.
Resh
10 Chayta ricar fiyu runaga fiyupa rabyarmi chiquicurcun.
Shin
Rabyawan quiruncunatapis uchongarämi.
Tav
Fiyu runacuna yarpashanga manami camacangachu.