40
God apanawa wasaumodia gagalowa wade
1 E Godila wadiase, “Wasau gagalowa wae apanana diamoa,
wasau gagalowa wae diamoa.
2 E nuaa aiaisiwa obasa mampe gagaloite ne apanana Ierusalem bedewe waimoia diamoe waase,
‘E poka etale surakautena walamawa tauma dialen,
ita do Iawe God e kadila insadabuamon,
e kadila uduudu matangelawa ne ruantene manlawo dewasanatuwan.”
3 Asisuitana! Apana dea mukama benemaleidie wadi wadiase,
“Sala makowa bedewe Iawe God wimpia baiwa inta eusana,
dewa uduudu inta enabodamodia otawiaitane nambemona.✡ Matiu 3.3; Mak 1.3; Ion 1.23
4 Doba nuau dobosamono euntopu,
ita wadi kerakera ita debamau ieie odeia toaisimono apuapuntopue winadewasantopu
inta kiokiou iaodala deaitopamono inta euda segantopu.
Ita inta bagorauia wineia deaitopamono eudidantopu.
5 Tauma Iawe God sapawa sabamolepie wisepi,
ita apana uduudu tawo osowe sapa sa ewata.
Iawe God me meba moawe gagalo ema wan.”✡ Luk 3.4-6
9 Saion, e Gagalo euda benemaitaa baiwa wade ieiana odee,
aita wadi iwa ionoidolena osowe.
Ierusalem, e Gagalo euda wade ieiana ka wae gagaloitaa,
ka waa mai saitaa;
Iuda bolawa debamau bedeuwo apana waimoia mampo gagaloite waase,
“Ewane! E Godila ema ambi!”
10 Ulaipa, Warere Iawe God wisepie
mukawa debama mampe apanawa oniamopi.
Me unewa otamone do iedia ewana,
sa ipa me apanawa inamona.✡ Gagalo 22.12
11 Me apanawa oniadewasamopi,
gamo onionia puewa oniamodia rua.
Me sipsipwa bunau otamopie,
mabupa osowe teamopie mampemopi.
Ita sipsip iwoa obampu do deaitopa banladewasamopi.✡ Isikel 34.15; Ion 10.11