4
Shaytán Issáyá chakkásit
(Markás 1:12–13; Luká 4:1–13)
1 Randá, cha Pákén Ruhay rahshóniá Issá gyábáná shot tán Shaytán áiá bechakkásit.* 4:1 Chakkásag, bezán ázmáesh kanag, emtehán gerag. 2 Chel shap o chel róch róchag dáragá rand Issá shodig but. 3 Gorhá Shaytán pa áiay chakkásagá átk o gwashti: “Agan taw Hodáay Chokk ay, é sengán begwash nagan bebant.” 4 Issáyá passaw dát: “Pákén Ketábá nebisag butag:
‘Mardom tahná pa nán zendaga nabit,
cha Hodáay zobánay sajjahén habaráni mannagá zendaga bit.’” † 4:4 Sharyatay Domi Rahband 8:3.
5 Padá Shaytáná Issá pákén shahrá bort o mazanén parasteshgáhay diwálay borzterén jágahá óshtárént o 6 gwashti: “Agan taw Hodáay Chokk ay gorhá watá cha edá jahlád dawr beday chiá ke nebisag butag:
Hodá pa tai negahpániá wati préshtagán hokma kant o
á, tará wati dastáni delá dárant
tán tai pád dhókéá malaggit.”‡ 4:6 Zabur 91:11–12.
7 Issáyá gwasht: “Haw, bale chosh ham nebisag butag: Wati Hodáwandén Hodáyá machakkás o ázmáesh makan.”§ 4:7 Sharyatay Domi Rahband 6:16.
8 Nun Shaytáná yak sakkén borzén kóhéay sará bort o cha ódá donyáay sajjahén bádsháhi o áyáni shán o shawkati pésh dáshtant o 9 gwashti: “Agan taw mani démá kóndhán bekapay o maná parastesh bekanay, man é sajjahénán tará dayán.” 10 Gorhá Issáyá gwasht: “Oo Shaytán! Cha mani démá gom bay! Pákén Ketábá nebisag butag: Wati Hodáwandén Hodáyá parastesh bekan o tahná hamáiay hezmatá bekan.”* 4:10 Sharyatay Domi Rahband 6:13. 11 Nun Shaytáná á yalah dát o shot. Préshtag átkant o Issáay hezmatesh kort.
Issáay hezmatkáriay bongéj
(Markás 1:14–15; Luká 4:14–15; Yuhanná 4:43–45)
12 Wahdé Issá sahig but ke Yahyá dazgir kanag butag, gorhá Jalilá shot. 13 Náserahay shahri yalah dát o Kaparnáhumay shahrá jahmenend but. Kaparnáhum, Jalilay mazangwarmay† 4:13 Mazangwarm, bezán daryáchah. kerrá, Zebulun o Naptáliay kabilaháni sardhagárá ent. 14 Paméshká é dhawl but ke Eshayá nabiay gwashten sarjam bebit:
15 Zebulun o Naptáliay sardhagár, gwarmay mazanráhay sará,
Ordonay kawray á dastá, Jalilay hamá hand o hankén ke darkawm jahmenend ant,
16 hamá kawmá ke zendi taháriá gwastagat,
mazanén rozhnáié dist o
hamá molk o dhagár ke ódá mark sáhél at,
óday jahmenendáni sará rozhnáiá sar jat.‡ 4:16 Eshayá Nabiay Ketáb 9:1–2.
17 Cha hamá wahdá, Issáyá é kolaw o paygámay rasénag bongéj kort. Gwashti: “Cha wati gonáhán pashómán bebét chiá ke ásmáni bádsháhi nazzik ent.”
Issáay awali chárén morid
(Markás 1:16–20; Luká 5:2–11; Yuhanná 1:35–42)
18 Wahdé Issá Jalilay mazangwarmay lamb᧠4:18 Lamb, bezán dámon, kerr. gám janagá at, do bráti dist, yakké Shamun at ke pannámi Petros at o domi áiay brát Andriás at. Áyáni kár máhigiri at o á wahdá pa máhigiriá wati dám o máhórán gwarmá chér géjagá atant. 19 Issáyá gón áyán gwasht: “Byáét, mani randgiriá bekanét o man shomárá anchosha kanán ke máhig geragay badalá, mardománi delá shekár bekanét.”* 4:19 Delay shekár kanagay maksad mardomán Hodáay ráhá árag ent. 20 Áyán hamá damáná wati dám yalah dát o áiay hamráh butant. 21 Wahdé kammé démá shot, dega do brát, Ákub o Yuhannái distant ke Zebdiay chokk atant. Bójigay† 4:21 Bójig, bezán lánch, yakdár, kashti. tahá gón wati pet Zebdiá neshtagatant o wati máhórán sráchag o sharr kanagá atant. Issáyá á lóthetant. 22 Áyán ham wati pet gón bójigá yalah dát o áiay hamráh butant.
Jalilay damagá, Issáay hezmatkári
(Markás 1:35–39; Luká 4:42–44)
23 Issáyá sajjahén Jalilá tarr o garda kort. Áiá kanisaháni‡ 4:23 Kanisah, bezán Yahudiáni parasteshgáh. tahá mardom dars o sabaka dát, Hodáay bádsháhiaymestága§ 4:23 Mestág, bezán wasshén hál, bashárat. rasént o mardom cha nájórhi o nádráhián jórh o dráha kortant. 24 Sajjahén Suriahá áiay nám o tawár prosht o mardomán har dhawlén nájórh o nádráh, jenni, mergiay nádráh,* 4:24 Mergi anchén nádráhié ke mardomá béhósh o kap o gajja kant. Arabi o Pársiá “sar'”. lang o mondh Issáay kerrá áwortant o áiá dráha kortant. 25 Jalil, Dekápulis, Urshalim, Yahudiah o Ordonay kawray á dastay hand o damagáni bázén mardomé átk o Issáay hamráh but.
*4:1 4:1 Chakkásag, bezán ázmáesh kanag, emtehán gerag.
†4:4 4:4 Sharyatay Domi Rahband 8:3.
‡4:6 4:6 Zabur 91:11–12.
§4:7 4:7 Sharyatay Domi Rahband 6:16.
*4:10 4:10 Sharyatay Domi Rahband 6:13.
†4:13 4:13 Mazangwarm, bezán daryáchah.
‡4:16 4:16 Eshayá Nabiay Ketáb 9:1–2.
§4:18 4:18 Lamb, bezán dámon, kerr.
*4:19 4:19 Delay shekár kanagay maksad mardomán Hodáay ráhá árag ent.
†4:21 4:21 Bójig, bezán lánch, yakdár, kashti.
‡4:23 4:23 Kanisah, bezán Yahudiáni parasteshgáh.
§4:23 4:23 Mestág, bezán wasshén hál, bashárat.
*4:24 4:24 Mergi anchén nádráhié ke mardomá béhósh o kap o gajja kant. Arabi o Pársiá “sar'”.