122
Jerusalén-neggwebur-bogidik-sigega, Bab-Dummadse gorlenaid
We-namaked, Jerusalénʼse-nakwe-nadapir, namakleged.
1 Dule anga sogdemalale: “¡Bab-Jehová-e-negse anmar namarye!”
An weligwar-itoddaed.
2 Jerusalén-neggwebur,
be-neg-e-yawagak-asabin bato anmar gwichid.
3 Jerusalén neggwebur-gandikidid,
be-soblesadi, nuekwaa soblesad.
Begi nabir ambikumalaga be soblesad.
4 Jerusalén-neggwebursega dadgan-warambe-gakabogwad-e-wagan (12) Bab-Jehová-e-nug-odummogegala, ese nakwemai damalad.
Igi Bab-Jehová Israel-dulemarga igar-uksagusa, deyobi, gunonikid.
5 Jerusalén-neggweburgine igar-naboged-e-ganmar siid,
agi David-e-wagan-igar-naboged-e-ganmar siid.
6 Jerusalén-neggweburga anmar neg-bogidikid ega egise.
Be-sabgudimaladga ibmar nasgumaigusun.
7 Be-galu-matusulidga, neg-bogidik nagusun.
Be-neg-dummagan-bukwadga, neg-bogidik nagusun.
8 An-gwenadgan-sabed-nuggi, an-aimar-sabed-nuggi, an soged:
“¡Neg bogidikid bega gusun!”
9 Anmar-Bab-Dummad-Jehová-e-neg-sabedba,
bega nueganbi-ibmar-guega an imakoed.