54
Bada ana nuavaina Zion aubaina.
4 Eḡa ona rovo aubaina eḡa ina vitepa-ubaubaimi.
Tepami ina tora, eḡa ina vinimalamalaimi.
Ami laraga kauai nunuami ina vuru.
Ami vikaiababa nuabolana ina amoa.
5 Aubaina, taukauem lamna awam,
wavana Bada Vivirewapana Kaukauana.
Israel ana God Vivivireina am taugimaramelana,
Tauna dobu anatapuna ai God.
6 Israel, tam me wavine tavine vouvou
ma awam i geduaiem ma u vinuabola kaua.
Wate Bada ina ḡore-melem awarina ma ina pa,
7 “A voterem mara aburuna,
wate raunuapoapoe ḡaeḡaenei ana vaimelem.
8 Au meji i rata kaua da a mae-puputem mara aburuna.
Wate au nuavaina mamae-nonoanei,
ana raunuapoapoelem.”
Bada taugimaramelana i riwa me,
maranai parivainuaḡana bagibagina a kauei
da eḡa melanai wairei dobu ana purui-melei.
Marina, nanare parivainuaḡana bagibaginei a ririwem
da eḡa melana amlou ina ḡaiḡai da ana kovoḡimi.
10 Ola ina vidagu
ma ina amoa.
Wate, au nuavaina mamae-nonoana,
ma au nuauba mamae-nonoana tam awarimi ina mae-nonoa.”
Bada tauraunuʼapoapoelemi i riwa.