126
Te Israel dabego gedu haluasa po weyu, te Godigo augwali tau somainu yai
1 Te Genuai Bidigo da te Saionba
ma odasa asali sogo,
dago homugo te dago olo nade ebo tiwai homu yai.
2 Tama dago gisugu kisu selama mu wali,
tama dago pemene umabo mu ebo tęąbi wali.
Tama te Genuai Bidigo po konesiąbo
bidi dabego te tiwai po wali,
“Genuai Bidigo te genuai sę mu ebogo
te Israel dabe tau sabo dao,” wali.
3 Mu dao, Genuai Bidigo
te genuai sę mu da tau siyu yai dao.
Tama tibaso, da bugai haliga mu ebo dao.
4 Genuai Bidi, nago da tigidali dena
tǫba ma odasa asao.
Te tama tiali, te buside wę gamia soabo
te wa pomainu ebo tiwai bolo yali,
tiali goli, nago te tulubage tulumainu
elama, tama wę te ąį gamiade pągąmainu yao.
5 Te gela wabo sę eyu, te nai bulali bidi dabe,
te augwa wiegi yai pemene elama,
te inayu tau yali nai nosali saibao.
6 Mu tama dao. Te gela weyu, te nai wai sela pelama,
bulugi pali bidi dabe, nosali augwa te wiegi yai
pemene ebo tęąbi weyu,
tama te tau yali nai dabe selama, asaibao.