2 Kɑ̀ɑ bo mɛyɛǹcɑɑ̀rìmɛ̀ miɛkɛ ti Yiɛ̀ nKuyie ndɑ teennɛ̀,

kunku Kuyie nSɑkɔbu do tũ nkù ndɑ kɑ̃nkɛ́.

3 Kù mbo ku cĩ́ɛ̃̀tɛ̀ Sedisɑdɛmmu kɛ dɑ teennɛ̀,

kù mboní Siyɔ̃ɔ̃ tɑ̃rì kɛ dɑ cúɔ́.

4 Kù bɑ́ɑ́ yɛ̃̀ nhɑ pɑ̃rɛ̀ kpɛ́í,

kùu cɔutɛ́ iwũɔ̃ ɑ kù feu ì kɛ tuɔ̀.

5 Kù dɑ duɔ́ nhɑ yɛ̀mmɛ̀ dɔ́ dɛ̀ dɛmɔu,

kɛ́tũnnɛ ɑ dɔ́ kɛ́dɔɔ̀ tì timɔu.

6 Kɛ̀ ti nyíúnɛ̀ diwɛ̀ì kù dɑ teennɛ̀mɛ̀ kɑ̀ɑ nɑ,

kɛ̀ ti còńnnɛ́ mɛnɑkùmɛ̀ kó mɛcɑnnimɛ̀ nɛ̀ ti Yiɛ̀ nKuyie nkó diyètìrì.

Ti Yiɛ̀ nKuyie ndɔɔ̀ ɑ kù mɔɔ dɛ̀ dɛmɔu.

7 N yɛ̃́mu kɛ dò nti Yiɛ̀ nKuyie ndɛɛrí okpɑ̀ɑ̀tì kù tɑ̃ɑ̃tɛ́ wè,

kɛ boní ku cĩ́ɛ̃̀tɛ̀ kɛĩ́nkɛ̀ koò teenní,

koò dɛɛrínɛ̀ ku wɛ̃rímú diɛmù.

8 Bɛ̀mɑbɛ̀ tɑ̃́ bɛ kpɑ̀rìsɛ̃ĩ́ nsi,

kɛ̀ bɛtɔbɛ̀ tɑ̃́ bɛ sɛ̃ĩ́.

Tínti mɛ nyu ti Yiɛ̀ nKuyie nyètìrì ndi.

9 Kɛ̀ bɛ̀ bótìrì kɛ duò,

kɛ̀ tínti biɛ cómmú teii,

ti í nɑmpú.

10 Kuyie nteennɛ̀ okpɑ̀ɑ̀tì,

kɛ̀ tì dɑ yu ɑ́ keè.