12
Eremiatoh Ritonõpo eahmatohme
1 Moro ẽmepyry toehse ahtao ynara ãko matose, eremiãko:
“Ritonõpo, oeahmãko ase!
Yzehno mexiase repe,
yrome yzehno pyra mexi ropa.
Seromaroro jemynyhmatoh enahkãko mase.
2 Ypynanohneme Ritonõpo mana;
enetupuhnõko ase, mame enaromyra ase exĩko.
Yjamihtanohnõko Ritonõpo mana, orẽpyra jehtohme.
Ypynanohneme mã ynororo.
3 Tuna anymyry poko exiketõ samo, tutunazehnase ahtao.
Moro saaro atãkyemãko matose typynanohse eya oexirykõ poko.”
4 Morarame moro ẽmepyryme toehse ahtao ynara ãko matose, eremiãko:
“Ritonõpo eahmatoko!
Ikohmatoko, ãkorehmapotohkõme eya.
Imehnõ nonory põkõ emero zurutoko inyrityã kurã poko;
imehxo aexiry poko toto zurutoko.
5 Eremiatoko Ritonõpo eahmaryme inyrityã kurã pokoino, morohne waro emero nonory põkõ ehtohme!
6 Xião põkomo, atãkyematoko, Ritonõpo eahmatoko roropa.
Ritonõpo kurano, Jamihmehxo Exikety, Izyraeu tõ Esemy moroto mana typoetory tõ maro osesarĩko mana.”