yontunɑɑ tɑɑ nɑ pɑ́ yooki-tɩ nɑ sɑŋkʋ tɔɣɔlɔ.

2 Hɑɩ, Ɩsɔ nɩɩ mɑ wulɑ,

nɑ ń ké ŋkpɑŋŋ nɑ mɑ kʋsələmʋtʋ.

3 Ye pə kɔmɑ nɑ mɑ́ kpisi,

pɑɑ mɑ wɛ tɛtʋ tənɑɣɑ,

ɩsɩɩ mɑ yɑɑ-ŋ sɩ ń wɑɑsɩ-m.

Ponɑ-m təcɔɔsəlɛ nte mɑ kɑɑ pəsɩ nɑ mɑ́ tɑlɑ tɔ.

4 Mpi tɔ, nyɑɣɑlɛ mɑ kentulu,

nɑ mɑ koluŋɑ ɩcɑtɛ kɛ kolontu kiŋ.

5 Nyɑ́ tɛɣɛ mɑ cɑɑ cɑɣɑʋ kɛ tɑm tɔɔ,

nɑ mɑ́ cɔɔsɩ nyɑ́ tɛɛ.

6 Mpi tɔ, hɑɩ, Ɩsɔ nyɑ́ nɩɩkənɑ mɑ koolee

nɑ ń hɑɑkɩ-m mpɑ pɑ nyɑŋnɑ-ŋ tɔ pɑ kpɑncoou.

7 Kpɑɑsɩ wulɑʋ weesuɣu nɑ ɩsɔ,

nɑ ɩ́ pɩɩsɩ tɑɣɑlɩ nɑ pə́ polo lʋlʋŋ loosi loosi.

8 Ɩ́ wɛɛ kɑwulɑɣɑ kumte tɔɔ kɛ́ tɑm tɔɔ,

nɑ nyɑ́ kʋpɑntʋ wɑɑsəɣɩ-ɩ.

9 Ɩlɛ mɑɑ pʋɣʋlɩ nyɑ́ hətɛ kɛ tɑm.

Nɑ mɑ́ lɑ́ ɩsɩɩ mɑɑ sɩɩʋ nɔɣɔ tɔɣɔ pɑɑ kʋyɑkʋ ŋku.