Tomɑ tənɑ tʋ tɛɛ kɛ́ ɩ hɛɛsəɣɩ.

2 Pə wɛɛ sɩ pʋntʋ ɩ́ yɔɣɔtɩ Tɑcɑɑ sɩ:

Nyɑɣɑlɛ mɑ kpɑntɛ nte mɑ cɔɔsəɣənɑ tɔ.

Nyɑɣɑlɛ mɑ Ɩsɔ nɑ mɑ́ tʋɣɩ-ŋ nɑɑni.

3 Tɑcɑɑ nyɑ́ fitiɣinɑ yʋlʋ kɛ puluɣu kʋnyəpʋɣʋ tɑɑ,

nɑ yʋlʋkʋsəkʋ nɑ kʋ wɑkəlʋɣʋ tɑɑ.

4 Nɑ n kenti ɩ tɔɔ nɑ ɩ́ tʋ-ŋ kpʋlʋɣʋ,

ɩsɩɩ kɑmpɑɣɑ kɛ kɑ too keŋ tɛɛ.

Nyɑ́ kʋpɑntʋ wɛ kɛ́ ɩsɩɩ kpɑ́lʋɣʋ kʋkentuɣu.

5 Yʋlʋ kɑɑ nyɑnɑ ɑhoo sɔɣɔntʋ,

yɑɑ nyəmɑ́ kʋtɔtɔnɑ kɛ ilim tɑɑ.

6 Yɑɑ yʋlʋkʋsəkʋ ŋku kʋ cɔɔkɩ səkpɛtʋɣʋ tɛɛ tɔ,

yɑɑ ɩsənɑ kʋ tɛɛkʋɣʋ yəlɑɑ kɛ ilim hɛkɑ tɔ.

7 Pɑɑ yəlɑɑ iyɑɣɑ (1000) səpɑ nyɑ́ kɔŋkɔŋ tɑɑ,

yɑɑ pɑɑ yəlɑɑ iyisi nɑɑnʋwɑ (10000) səpənɑ

nyɑ́ ntɔɣɔŋ tɔɔ, pʋlʋpʋ kɑɑ lɑ-ŋ.

8 Kuli nyɑ́ ɩsɛ nɑ ń nɑ́ ɩsənɑ

Ɩsɔ fɛləɣɩ ɑsɑɣɑɑ tɔ.

9 Hɑɩ, Tɑcɑɑ kɛlɛ nyɑ́ kpʋlʋɣʋ tətʋlɛ,

ɩsɔtɑɑ Ɩsɔ Sɔsɔ kɛ n cɔɔsəɣənɑ.

10 Wɑhɑlɑ nɔɣɔlʋ kɑɑ mɑɣɑnɑ-ŋ,

pə́cɔ mpusi nɔɣɔlʋ kɑɑ kpətənɑ nyɑ́ təyɑɣɑ.

11 Mpi tɔ, Tɑcɑɑ kɑ́ tʋ ɩ ɩsɔtɑɑ tillɑɑ kɛ́ sɩ

pɑ́ feŋi-ŋ nyɑ́ mpɑɑŋ tənɑ tɑɑ.

12 Nɑ pɑ́ɑ́ te-ŋ pɑ niŋ tɑɑ sɩ pəlɛ

nɑtəlɩ tə́ tɑɑ co-ŋ.

13 Nɑ pɑɑ n fɛlɑ tɔɣɔlɑɣɑ yɑɑ pɑɑsəlɛ

yɑɑ wontuɣu ɩsɑɣɑʋ yɑɑ tʋm,

pʋlʋpʋ kɑɑ lɑ-ŋ.

14 Tɑcɑɑ sɩ: Timpi n sɔɔlɑ-m tɔ mɑɑ wɑɑsɩ-ŋ,

nɑ mɑ́ kenti nyɑ́ tɔɔ kɛ́ n nyəmɑ́ mɑ hətɛ tɔ pə tɔɔ.

15 N kɑ yɑɑ mɑ hətɛ nɑ mɑ́ cɔ-ŋ,

nɑ mɑ́ wɛɛ nyɑ́ wɑɑlɩ kɛ́ lɑŋwɑkəllɛ wɑɑtʋ,

nɑ mɑ́ wɑɑsɩ-ŋ nɑ mɑ́ tɑɣɑnɩ nyɑ́ nyʋɣʋ kɛ kʋsʋɣʋ.

16 Mɑɑ yele nɑ nyɑ́ weesuɣu tɑɣɑlɩ

nɑ mɑ́ yɑ́ nyɑ́ nyʋɣʋ.