1 യിസ്രായേൽ ഇപ്പോൾ പറയേണ്ടത്

“യഹോവ നമ്മളുടെ പക്ഷത്തില്ലായിരുന്നുവെങ്കിൽ,

2 അതേ, യഹോവ നമ്മളുടെ പക്ഷത്തില്ലായിരുന്നുവെങ്കിൽ, മനുഷ്യർ നമ്മളോട് എതിർത്തപ്പോൾ

3 അവരുടെ കോപം നമ്മളുടെ നേരെ ജ്വലിച്ചപ്പോൾ,

അവർ നമ്മളെ ജീവനോടെ വിഴുങ്ങിക്കളയുമായിരുന്നു;

4 വെള്ളം നമ്മളെ ഒഴുക്കിക്കളയുമായിരുന്നു,

നദി നമ്മളുടെ പ്രാണനു മീതെ കവിയുമായിരുന്നു;

5 പ്രളയജലം

നമ്മളുടെ പ്രാണനു മീതെ കവിയുമായിരുന്നു.

6 നമ്മളെ അവരുടെ പല്ലുകൾക്ക് ഇരയായി കൊടുക്കായ്കയാൽ

യഹോവ വാഴ്ത്തപ്പെടുമാറാകട്ടെ.”

7 വേട്ടക്കാരുടെ കെണിയിൽനിന്ന് രക്ഷപെടുന്ന പക്ഷിയെപ്പോലെ

നമ്മളുടെ പ്രാണൻ വഴുതിപ്പോന്നിരിക്കുന്നു;

കെണി പൊട്ടി നാം വഴുതിപ്പോന്നിരിക്കുന്നു.

8 നമ്മളുടെ സഹായം ആകാശവും ഭൂമിയും

ഉണ്ടാക്കിയ യഹോവയുടെ നാമത്തിൽ ഇരിക്കുന്നു.