3
ឞ្រាសយេឆូ ជានឞាសទូហ្វេឞូនុយ្សរាវែនតីអ៝ន់ឞាស
(មថ ១២:៩-១៤; លក ៦:៦-១១)
1 ជេសរីឞ្រាសយេឆូ លាប់តាញីសរាបុនផូងអីឆ្រាអែល ទូតឹជឹត តានៃគែសទូហ្វេឞូក្លោរាវែនតីទូទីង។ 2 ឞូអុចជ៝យនាវមានតោនឞ្រាសយេឆូ ងខេបលាសពាង់ជានឞាសឞូនុយ្សជីតានារឆាបាត់ យ៝រលាសខាន់ពាង់នតីតានាវវៃផូងអីឆ្រាអែល មោអ៝ន់អោសជានឞាសឞូនុយ្សជីតានារឆាបាត់ នទ្រីទឹងខាន់ពាង់អ្វាញ់ជឹតពាង់លែរងែរងាន់។* ៣:២៖ មក ១២:១៣ 3 ជេសរីឞ្រាសយេឆូ លាសមាឞូក្លោអីនៃ៖ “ហើយអ៝ស មៃទ៝ក់ហ៝ម់ ហាន់ទ៝ក់ឞើសនាប់ឞូត៝!” 4 ជេសរីឞ្រាសយេឆូ លាសមាមពោលអីក៝ប់អ្វាញ់ពាង់៖ “គ៝ប់អោបខាន់មៃ តឹងនាវវៃផូងឞ៝ន់តានារឆាបាត់ ឞូនុយ្សទើយជាននទើអ្វែសមោលាសនទើអ្យើស? ទើយរាក្លាយ្សនាវរេសឞូនុយ្សមោលាសងខឹតពាង់?” ទឹងលែៈខាន់ពាង់គុអ្យាត់ឆាក់រាក់ក្លាក់។* ៣:៤៖ លក ១៤:៥ 5 ឞ្រាសយេឆូ អ្វាញ់ទឹងលែៈឞូនុយ្សអីគុតានៃ ពាង់ជីនូយ្សរាង៝តអេងឆាក់ពាង់នើម ឆៃខាន់ពាង់ទាង់ក៝មោគែសនាវតឹមយោៈ។ ជេសរីពាង់លាសមាឞូក្លោអីរាវែនតីនៃ៖ “ល៝ង់មៃរ៝កតីមៃនៃហ៝ម់!” ជេសរីពាង់រ៝កតីពាង់ឞាសកើតអើមដ៝ង់។ 6 ជេសរីផូងផារីឆី អីគុតានៃលោសរុចព្លុចឞើសញីសរាបុននៃ ហាន់ឞ្រ៝ង់តឹមញច្រាៈដាសឞាល់មពោលហេរោត-អ៝ន់តីពាស រ៝ គៃមាជ៝យនាវមើមទឹងគែសងខឹតឞ្រាសយេឆូ ។* ៣:៦៖ យហ ៥:១៦
អ៝ក់ផូងប៝នលានតឹងឞ្រាសយេឆូ
7 ជេសរីឞ្រាសយេឆូ លោសឞើសនតុកនៃហាន់តាងលៅក្វ៝ង់កាលីលេ នទ្រែលមពោលអ៝សម៝នពាង់។ គែសអ៝ក់ផូងប៝នលានហាន់តឹងពាង់ ផូងអីនៃតាៈឞើសឞ្រីកាលីលេ ឞើសឞ្រីយូដា 8 ឞើសប៝នក្វ៝ង់យេរូឆាលឹម ឞើសឞ្រីអីដូមេ ឞើសកាល់តីទាករាលាយយោរដាន់ ឞើសអាប់នតុកជុមប៝នក្វ៝ង់តីរុស នទ្រែលមាឞើសអាប់នតុកជុមប៝នក្វ៝ង់ឆីដោន ។ នទ្រីទឹងអ៝ក់ងាន់ឞូនុយ្សហាន់វាច់អាពាង់នៃ យ៝រលាសតាង់ឞូមឞើសងក៝ចទឹងលែៈនាវពាង់ជាននើស។ 9 ឆៃអ៝ក់អីរប៝នលាននៃឞ្រាសយេឆូ ដាៈមពោលអ៝សម៝នពាង់នទ្រាប់ទូមល៝ម់ទូកអ៝ន់មាពាង់ ក្លាចលាសផូងប៝នលានរុនមពែតពាង់។ 10 លែៈជេសពាង់ជានឞាសឞូនុយ្សជីអ៝ក់ងាន់ នទ្រីទឹងឞូនុយ្សអេងៗអីគែសនាវជីញឆ្រោយ្សចុលហាន់ទាច់ៗ អុចពាសឞ្រាសយេឆូ គៃមាឞាសនាវជីខាន់ពាង់នើម។* ៣:១០៖ មក ៥:២៥-២៩ 11 ត៝ត់ផូងឞូនុយ្សអីគែសឞ្រាសអ្យើសគុតាខាន់ពាង់ឆៃឞ្រាសយេឆូ ខាន់ពាង់ពាន់តាឞើសនាប់ឞ្រាសយេឆូ រ៝ នអ៝ប់មានតែរ៖ “មៃអីក៝នកោរាញឞ្រាស!”* ៣:១១៖ មក ១៥:៣៩ 12 ជេសរីឞ្រាសយេឆូ មឞ្រាម មោអោសអ៝ន់ខាន់ពាង់មឞើសងក៝ចមាឞូគឹតនាល់ពាង់អីក៝នកោរាញឞ្រាស។* ៣:១២៖ មក ៧:៣៦
ឞ្រាសយេឆូ កើយ្ស ១២ នុយ្សមពោលអ៝សម៝ន
(មថ ១០:១-៤; លក ៦:១២-១៦)
13 ឞ្រាសយេឆូ លែៈហាវកាលើយោក ជេសរីពាង់ក្វាល់ជាៈឞូនុយ្សអីពាង់អុចហាន់នទ្រែលពាង់ ជេសរីខាន់ពាង់អីនៃហាន់តឹងពាង់តារី។ 14 ឞើសមពោលអីនៃពាង់កើយ្ស ១២ នុយ្ស ពាង់ក្វាល់ខាន់ពាង់ «កោរាញអ៝សម៝ន»។ មពោលអីនៃគៃមាគុនទ្រែលពាង់នើម អ៝ន់ខាន់ពាង់មឞើសងក៝ចនាវពាង់អ៝ន់មាឞូ* ៣:១៤-១៥៖ មក ៦:៧-១៣; ១៦:១៧ 15 នទ្រែលមាអ៝ន់ខាន់ពាង់គែសនាវទើយ ទើយមព្រើសឞ្រាសអ្យើសដ៝ង់។
16 មពោល ១២ នុយ្សនៃ តានៃគែសឆីមោន អីឞ្រាសយេឆូ តេៈរាញាមហែពាង់ពេត្រោស * ៣:១៦៖ មថ ១៦:១៨ 17 គែសឞារហៃអ៝សនោអីក៝នឆេបេដេ រាញាយាកើ នទ្រែលមាយោហាន ។ ឞារហៃខាន់ពាង់អីនៃឞ្រាសយេឆូ ទែតេៈរាញា «បោអានេរកេ » រាឞ្លាងនាវអីនៃ «ក៝ននតែសនត៝រ់ងលាយ្ស»។* ៣:១៧៖ លក ៩:៥៤ 18 គែសរាញាអ៝ន់ទ្រេ រាញាផីលីប រាញាបារថោលោមេ រាញាមាថាយ រាញាថោមាស រាញាយាកើ អីក៝នអាល់ផាយ រាញាថាដេ រាញាឆីមោន អីឞូក្វាល់«គើយ្ស»* ៣:១៨៖ មោលាស «អីឞូនុយ្សឞ្រីកានាអាន »។ នោកនៃតាផូងឞ្រីយូដា គែសទូមពោលអីឞូក្វាល់លាស «មពោលគើយ្ស» មោលាស«មពោលឞ្រីកានាអាន »។ ខាន់ពាង់អុចតឹមលើសដាសផូងរោម គៃមានត្រុតផូងតាហែនរោម ទូឞើសឞ្រីទាកខាន់ពាង់នើម។ 19 នទ្រែលមារាញាយូដាស-អីឆាការីយោត អីឞូនុយ្សលែវឞូហាន់ញុបឞ្រាសយេឆូ ។* ៣:១៩៖ មក ១៤:៤៣-៤៦
ផូងឞាល់មពោលឞ្រាសយេឆូ អុចឆ៝ៈពាង់ឆឹត
20 ជេសរីឞ្រាសយេឆូ ហាន់គុតាទូមល៝ម់ជៃ ត៝ត់តានៃគែសឞូនុយ្សវាច់តៃតារី លើមាអ៝ក់លើមាអ៝ក់ងាន់។ ល៝ង់ពាង់ នទ្រែលមាមពោលអ៝សម៝នពាង់មោអោសហ៝ចឆោងឆា។ 21 ជេសផូងឞាល់មពោលពាង់តាង់ឞូទែងក៝ចនាវអីនៃ ឞូលាសដ៝ង់៖ “ហឺស មោហោមអោសគឹតឆាក់ពាង់រី”។ នទ្រីទឹងខាន់ពាង់ជាៈឞាល់ហាន់ឆ៝ៈពាង់។* ៣:២១៖ មក ៦:៤
ឞ្រាសយេឆូ ឞូលាសឞ្រាសបេលឆេបូល
(មថ ១២:២២-៣២; លក ១១:១៤-២៣; ១២:១០)
22 ល៝ង់អីផូងនើមនតីនាវវៃផូងអីឆ្រាអែល អីតាៈឞើសប៝នយេរូឆាលឹម រីហាន់ត៝ត់តានៃ ខាន់ពាង់លាស៖ “ឞូនុយ្សអីនៃគែសឞ្រាសអ្យើសបេលឆេបូល † ៣:២២៖ «បេលឆេបូល »រាញាទូនតីលឆាតាង់ អីកោរាញមពោលឞ្រាសអ្យើស។គុតាឆាក់ពាង់។ យ៝រលាសអីកោរាញមពោលឞ្រាសអ្យើសអ៝ន់នាវទើយតាពាង់ ទឹងពាង់ទើយមព្រើសឞ្រាសអ្យើស”។* ៣:២២៖ យហ ៨:៤៨; ១០:២០ 23 ឞ្រាសយេឆូ ក្វាល់ផូងនើមនតីនៃហាន់ទាច់អាពាង់ ជេសរីលាសមានាវងើយនតឹត៖ “មើមឞ្លាវឆាតាង់ អីកោរាញមពោលឞ្រាសអ្យើសមព្រើសឆាក់ពាង់នើម? 24 លាសតាទូឞ្រីផូងប៝នលានពាង់តឹមល៝ក់តឹមជាញចាសច្រាយឞាល់ ឞ្រីអីនៃមោហោមអោស។ 25 មោលាសតាទូរានាក់វ៝ល់គែសតឹមល៝ក់តឹមជាញឞាល់នឹងនែង រានាក់វ៝ល់អីនៃរ៝សហេងមោហោមដ៝ង់។ 26 លាសគែសឆាតាង់ តឹមល៝ក់តឹមជាញនទ្រាង់ពាង់នើម ពាង់មោទើយអោសគុន៝ប់ រ៝សហេងរ៝។ 27 មោគែសអោសឞូនុយ្សទើយហាន់តាជៃឞូនុយ្សទាង់ ជេសរីនតុងទ្រាប់នទើពាង់។ អ៝ន់ញុបក៝ត់ល៝រឞូនុយ្សអីនៃប៝ត់ រីមើទើយនតុងទឹងលែៈទ្រាប់នទើតាជៃពាង់។* ៣:២៧៖ កោល ២:១៥; ១យហ ៤:៤ 28 គ៝ប់លាសនហេលនានេៈងាន់មាខាន់មៃ ទឹងលែៈនទើឞូនុយ្សជានតីស នទ្រែលមាលាសមឺចរាម៝តកោរាញឞ្រាស កោរាញឞ្រាសហោមយោៈទាទេ។* ៣:២៨៖ ១យហ ១:៩ 29 តីសមាឞូម៝សអីលាសមឺចរាម៝តឞ្រាសហ្វេងអ្វែសអីក្ល៝សអ្វែសរី មោអោសកោរាញឞ្រាសយោៈមាពាង់ ពាង់អីនៃគែសទោយ្សនហ៝រ៝មោឞ្លាវឞាស”។ 30 នទ្រីទឹងឞ្រាសយេឆូ ងើយកើតនៃ អាចខាន់ពាង់លាសពាង់គែសឞ្រាសអ្យើសគុតាឆាក់ពាង់។
ផូងអ៝សនោងាន់ឞ្រាសយេឆូ
(មថ ១២:៤៦-៥០; លក ៨:១៩-២១)
31 ជេសរីមេៈឞ្រាសយេឆូ នទ្រែលមាអ៝សឞូក្លោពាង់ ហាន់ត៝ត់តាជៃឞ្រាសយេឆូ គុនតុមនតីនៃ។ ខាន់ពាង់គុឞើសទីសរី ជេសរីដាៈឞូមឞើសពាង់ហាន់ម៝ប់ខាន់ពាង់។* ៣:៣១-៣២៖ មក ៦:៣ 32 ផូងប៝នលានអីគុជុមឞ្រាសយេឆូ រីមឞើសពាង់៖ “ហើយនើមនតី មេៈមៃ នទ្រែលមាអ៝សឞូក្លោមៃគុក៝ប់ឞើសទីសត៝ អុចម៝ប់មៃមេៈ!” 33 ជេសរីឞ្រាសយេឆូ អើសមាខាន់ពាង់៖ “ឞូម៝សមេៈគ៝ប់? ឞូម៝សអ៝សនោគ៝ប់?” 34 ជេសរីពាង់អ្វាញ់ឞូនុយ្សអីគុជុមពាង់ពាង់លាស៖ “ឞូនុយ្សអីគុតាអ្យាគ៝ប់ក្វាល់មេៈគ៝ប់ អ៝សនោគ៝ប់។ 35 ឞូម៝សអីអ្យាត់តឹងនាវកោរាញឞ្រាសអុច ពាង់អីនៃអ៝សនោគ៝ប់ នទ្រែលមាមេៈគ៝ប់”។* ៣:៣៥៖ រម ៨:២៩; ហេឞ ២:១១
*3:2 ៣:២៖ មក ១២:១៣
*3:4 ៣:៤៖ លក ១៤:៥
*3:6 ៣:៦៖ យហ ៥:១៦
*3:10 ៣:១០៖ មក ៥:២៥-២៩
*3:11 ៣:១១៖ មក ១៥:៣៩
*3:12 ៣:១២៖ មក ៧:៣៦
*3:14 ៣:១៤-១៥៖ មក ៦:៧-១៣; ១៦:១៧
*3:16 ៣:១៦៖ មថ ១៦:១៨
*3:17 ៣:១៧៖ លក ៩:៥៤
*3:18 ៣:១៨៖ មោលាស «អីឞូនុយ្សឞ្រីកានាអាន »។ នោកនៃតាផូងឞ្រីយូដា គែសទូមពោលអីឞូក្វាល់លាស «មពោលគើយ្ស» មោលាស«មពោលឞ្រីកានាអាន »។ ខាន់ពាង់អុចតឹមលើសដាសផូងរោម គៃមានត្រុតផូងតាហែនរោម ទូឞើសឞ្រីទាកខាន់ពាង់នើម។
*3:19 ៣:១៩៖ មក ១៤:៤៣-៤៦
*3:21 ៣:២១៖ មក ៦:៤
†3:22 ៣:២២៖ «បេលឆេបូល »រាញាទូនតីលឆាតាង់ អីកោរាញមពោលឞ្រាសអ្យើស។
*3:22 ៣:២២៖ យហ ៨:៤៨; ១០:២០
*3:27 ៣:២៧៖ កោល ២:១៥; ១យហ ៤:៤
*3:28 ៣:២៨៖ ១យហ ១:៩
*3:31 ៣:៣១-៣២៖ មក ៦:៣
*3:35 ៣:៣៥៖ រម ៨:២៩; ហេឞ ២:១១