12
1 Xrana' Dios, bselá bénneache chiu' lawe' da québedxa
dxape̱' benne' xezica Lue' ba lá'ana.
Quebe nu chilá' benne' li lazre' ládujla bénneache ca'.
2 Xúgute̱ bénneache ca' dxelezí xe̱'e̱ le sa' ljwezre̱'.
Lu da we̱n lazre' ba zaj nupé̱'e̱ dizra' chee̱ xelezí xe̱'e̱ le̱'.
3 Xránadxu Dios guzría xi'e̱ xúgute̱ benne'
quebe dxuluchálaje̱' du lazre',
ne benne' ca' dxuluchálaje̱' da dxucá'ana szren cuine̱'.
4 Benne' ca' gulenné̱': “Ne̱ chee̱ dizra' chee̱ntu'
zrué'entu' da chawe'.
Ca dxezá lázrentu' guchálajntu', ¿nuzra nna be'e netu', xca'?”
5 Dxenná Xránadxu Dios: “Na'a xídaqueza' lawe' da
dxulusaca zi'e̱ benne' xache' ca',
na' dxelebezre lazre' benne' baxache' ca'.
Guselá' benne' ca' dxelánene̱' da guna'.”
6 Xrtizra' Xránadxu Dios zaj naca na du lazre'.
Zaj naca na ca xiaj plata da ba gudé na lu xi',
da ba gudé na lu xi' gazre lasa.
7 Xran, guxúequezu' Lue' bénneache chiu' ca'.
Chadía chacanna gucu'uju' le̱' lu na' benne' zaj zre̱'e̱
lu zra na'a zra.
8 Gátete̱ze na' dxaca da cale̱la
gate dxulucá'ana szren bénneache da naca sban.