113
Mihehati lat isen Iahova ven tahosien onen
1 !Mihehati lat isen Iahova!
Anatin, kami koa mivi meatin toumien keil onen, mihou lat isen.
2 Isen Iahova mariso mok,
kosa ka lisenges.
3 Kami vasi koa miro en out koa meteiai ka ien
va rokol kami koa miro en out koa meteiai munu ien,
mihemasmas Iahova.
4 Avou lat isen Iahova en out vasi en out netan,
ka hetetamenien onen vina nesa mok mulin teilang.
5 Tounah tovuol vasuval Iahova, Ahi orer,
koa mul rondan en out nesa ka losil kat tounah vasi.
6 Kei malingling ka lele mita netan
keke vales tounah keil koa amul en teilang ka en out netan.
7 Kei mul rali lat koakeil tounah one tovuol keke avamemea ran out tatisa koa amul ien.
Ka mul kulat keil ran mahien keil one.
8 Iahova mul san houhouen min keil suval avi hetetamen.
Mul sakin keil arondan revi ral min mari meatin keil.
9 Kei mul sakin koakeil avi lumalum asi keil en teim se keil,
veni mul maen keil avahi mama onen titiali keil.
!Sakini, mihehati lat isen Iahova!