1 يٍرُبَالِ، نَشَن قِندِ فٍدٍيٌن نَ، عَ نُن حَمَ نَشَن بِرِن نُ بِرَشِ عَ قْشْ رَ، عٍ نَشَ كٍلِ سُبَشّ مَ، عٍ سَ كُرُ شَرٌدِ دُلٌنيِ قّ مَ. مَدِيَنكَيٍ نُ مَلَنشِ كْولَ بِرِ مٌرٍ فٍيَ بُنيِ. 2 عَلَتَلَ نَشَ عَ مَسٍن فٍدٍيٌن بّ، «عِ شَ سْورِيٍ بَرَ فبٌ يّ. شَ ﭑ بَرَ مَدِيَنكَيٍ سَ عٍ سَفٌي، عِسِرَيِلَكَيٍ قَمَ نّ عٍ يّتّ وَ سُدٍ ﭑ نَ، عٍ عَ قَلَ، ‹مُشُ تَن نَن مُشُ يّتّ كَن نَتَنفَشِ.› 3 عِ شَ حَمَ يَامَرِ، ‹فَاشُي بَرَ نَشٍيٍ بِرِن سّرّن، عٍ شَ فبِلٍن فَلَدِ فٍيَ يِرٍ.›» شّمّ مِشِ وُلُ مْشْحّن عَ نُن قِرِن نَشَ فبِلٍن، كْنْ شّمّ مِشِ وُلُ قُ تَن نَشَ لُ نَا.

4 عَلَتَلَ نَشَ عَ مَسٍن فٍدٍيٌن بّ، «هَن يَ حَمَ مَن فبٌ. فٌرٌ عٍ رَ شُرٍ بِرِ، ﭑ قَمَ عٍ مَيٍفٍتِدٍ مّننِ نّ. ﭑ نَ عَ قَلَ عِ بّ نَشَن نَ، وٌ نُن يِ نَن سِفَمَ، وٌ نُن نَ كَنيِ شَ سِفَ. ﭑ نَ عَ قَلَ شّمّ نَشَن بِرِن نَ، عٍ مُ سِفَمَ، نٍيٍ نَشَ بِرَ عِ قْشْ رَ.»

5 عَ نَشَ حَمَ رَفٌرٌ شُرٍ دّ رَ. عَلَتَلَ نَشَ عَ مَسٍن فٍدٍيٌن بّ، «نَشٍيٍ بِرِن نَ يٍ كْن عٍ نّنيِ رَ عَلْ بَرٍ، عِ شَ نٍيٍ تِ عٍ شَتِ مَ. نَشٍيٍ قَن بِرِن نَ عٍ شِنبِ سِن، عٍ يٍ مِن، عِ شَ نٍيٍ قَن تِ عٍ شَتِ مَ.» 6 نَشٍيٍ بِرِن يٍ كْ عٍ بّلّشّ كُي، عٍ نَشَ عَ مِن، عٍ كْنتِ نَشَ سِفَ شّمّ مِشِ كّمّ سَشَن. حَمَ دْنشْي نَشَ عٍ شِنبِ سِن، عٍ نُ قَ يٍ كْن عٍ نّنيِ رَ. 7 عَلَتَلَ نَشَ عَ مَسٍن فٍدٍيٌن بّ، «يِ شّمّ مِشِ كّمّ سَشَن نَشٍيٍ يٍ كْشِ عٍ بّلّشّ كُي، ﭑ قَمَ وٌ رَتَنفَدٍ عٍ تَن نَن سَابُي رَ. ﭑ مَدِيَنكَيٍ سَمَ نّ عِ سَفٌ. يِ حَمَ دْنشْي، كَنكَن شَ سِفَ عَ شْنيِ.» عٍ نَشَ قَندّ تٌنفٌ عَ نُن قٍرِ نَشٍيٍ نُ نَ حَمَيٍ يِ. 8 فٍدٍيٌن نَشَ عٍ رَفبِلٍن عٍ شْنيِ، نَ شّمّ مِشِ كّمّ سَشَن فبَنسَن نَشَ لُ عَ يِرٍ. مَدِيَن شَ سْورِيٍ نُ نَ عَ لَبٍ رَ فٍيَ بُنيِ.

9 نَ كْي رَ عَلَتَلَ نَشَ عَ مَسٍن فٍدٍيٌن بّ، «عِ شَ فٌرٌ مَدِيَن سْورِيٍ يِرٍ، بَرِ مَ ﭑ بَرَ عٍ سَ عِ سَفٌي. 10 شَ فَاشُي نَ عِ مَ يِ فٍرٍ شَ قٍ رَ، وٌ نُن عِ شَ كٌنيِ ثُرَ شَ فٌرٌ مَدِيَنكَيٍ يِرٍ. 11 عِ نَشَن مّمَ نَا، نَ قَمَ عِ رَلِمَنِيَدٍ. فٌرٌ عٍ شَ سْورِيٍ يِرٍ سِندٍن.» عَ تَن نُن عَ شَ كٌنيِ ثُرَ نَشَ فٌرٌ، هَن سْورِيٍ يٌنكِندٍ قّ مَ.

12 مَدِيَنكَيٍ، عَمَلّكِكَيٍ، نُن بْنسْي فبّتّيٍ نَشٍيٍ كٍلِ سٌفٍتٍدٍ، نُ نَ فٍيَ بُنيِ. عٍ وُيَ عَلْ كَتٌي. عٍ شَ حْشْمّ قَن نُ وُيَ عَلْ مّيّنيِ نَشَن نَ بَا دّ رَ. 13 فٍدٍيٌن تٌ نَا لِ، شّمّ ندٍ نَشَ عَ شَ شِيٍ قَلَ عَ بٌورٍ بّ. عَ نَشَ عَ مَسٍن، «ﭑ يِ شِيٍ نَن سَشِ. ﭑ تَامِ فَنشِ نَن تٌشِ عَ قِرِقِرِ مَ مَدِيَن سْورِيٍ يٌنكِندٍ. عَ نَشَ عَ بْنبْ كِرِ بَنشِ ندٍ رَ، عَ عَ رَبِرَ.» 14 عَ بٌورٍ نَشَ عَ يَابِ، «عَ مُ قِندِشِ سٍسٍ رَ قٌ فٍدٍيٌن شَ سَنتِدّفّمَ، يٌوَ سِ شَ دِ عِسِرَيِلَكَ. عَلَ بَرَ مَدِيَنكَيٍ نُن عٍ شَ سْورِيٍ سَ عَ سَفٌ.» 15 فٍدٍيٌن تٌ فّ شِيٍ شَ قٍ تَفِ رَبَ رَ مّدٍ، عَ نَشَ عَ قٍلٍن بْشِ مَ، عَ عَلَ تَنتُ. نَ شَنبِ، عَ نَشَ فبِلٍن عِسِرَيِلَ سْورِيٍ يِرٍ، عَ عَ قَلَ عٍ بّ، «وٌ كٍلِ، بَرِ مَ عَلَتَلَ بَرَ مَدِيَن سْورِيٍ سَ وٌن سَفٌي.»

16 عَ نَشَ يِ شّمّ مِشِ كّمّ سَشَن عِتَشُن دْشْ سَشَن نَ. عَ قَ قٍرِ نُن قّحّ لَنمَدِيٍ سٌ عٍ بِرِن يِ رَ، تّ نَ قّحّيٍ كُي. 17 عَ نَشَ عَ قَلَ عٍ بّ، «وٌ شَ ﭑ مَتٌ، ﭑ نَ نَشَن نَبَ، وٌ قَن شَ نَ رَبَ. ﭑ نّقّ سْورِيٍ يِرٍ لِ، ﭑ نَ نَشَن نَبَ، وٌ قَن شَ نَ رَبَ. 18 مُشُ قٍرِ قٍمَ تّمُي نَشّ، وٌ قَن شَ وٌ فبٍ قٍ سْورِيٍ يٌنكِندٍ رَبِلِنيِ. وٌ شَ عَ قَلَ وٌ شُي عِتٍشِ رَ، ‹عَلَتَلَ نُن فٍدٍيٌن بّ!›»

19 فٍدٍيٌن نُن عَ شَ سْورِ مِشِ كّمّ سَشَن، نَشَ مَدِيَن سْورِيٍ يِرٍ لِ، عٍ عٍ شَ يِرٍ مَكَنتَدٍ مَسَرَ كْي تَفِ تّمُي نَشّ. عٍ نَشَ قٍرِ قٍ، عٍ قّحّيٍ عِبْو. 20 يِ مِشِ كُرُ سَشَنيِيٍ نَشَ قٍرِ قٍ، عٍ نَشَ قّحّيٍ عِبْو، تّ سُشُشِ عٍ كْولَ بّلّشّيٍ رَ، قٍرِ سُشُشِ عٍ يِرٍقَنيِ بّلّشّيٍ رَ عٍ نَشَن قٍمَ. عٍ نُ قَ عَ قَلَ عٍ شُي عِتٍشِ رَ، «وٌن شَ فٍرٍ سٌ عَلَتَلَ نُن فٍدٍيٌن بّ.» 21 عٍ بِرِن نَشَ تِ عٍ تِدٍ، مَدِيَن سْورِيٍ رَبِلِنيِ. مَدِيَنكَيٍ نَشَ عٍ فِ، عٍ سِفَ سْنشْ رَ. 22 عِسِرَيِلَ سْورِ مِشِ كّمّ سَشَنيِيٍ نُ قٍرِ قٍ تّمُي نَشّ، عَلَتَلَ نَشَ عَ نِيَ مَدِيَنكَيٍ شَ عٍ بٌورٍ قَشَ سَنتِدّفّمَ رَ. سْورِ دْنشْييٍ نَشَ عٍ فِ هَن بٍتِ سِتَ، سٍرٍرَ مَبِرِ، هَن عَبٍلِ مٍشٌلَ، تَبَتِ مَبِرِ.

23 عِسِرَيِلَ شّمّيٍ نَشَ عٍ مَلَن، نَقَتَلِكَيٍ، عَسٍرِكَيٍ، نُن مَنَسِكَيٍ. عٍ بِرِن نَشَ مَدِيَنكَيٍ كٍرِ. 24 فٍدٍيٌن نَشَ شّيرَيٍ شّي عٍقِرَ مِ فٍيَيٍ يِرٍ، عٍ شَ عَ قَلَ، «وٌ فٌرٌ مَدِيَنكَيٍ يَ رَ، وٌ سِنفٍ شَ تِ يُرُدّن شُرٍ عِفِرِ مَ دّننَشّ هَن بٍتِ بَارَ.» نَ كُي عٍقِرَ مِ شّمّيٍ نَشَ عٍ مَلَن، عٍ سِفَ يُرُدّن شُرٍ عِفِرِ مَ دّننَشّ، هَن بٍتِ بَارَ. 25 عٍ نَشَ مَدِيَنكَيٍ شَ مَنفّ قِرِنيِيٍ سُشُ، عٌرٍبِ نُن سٍيبِ. عٍ نَشَ عٌرٍبِ قَشَ عٌرٍبِ قَنيٍ يِرٍ، عٍ نَشَ سٍيبِ قَشَ سٍيبِ وّنِ بٌفِ بُندُ مَ دّننَشّ. عٍ نَشَ مَدِيَنكَيٍ كٍرِ، عٍ قَ عٌرٍبِ نُن سٍيبِ شُنيِيٍ رَ فٍدٍيٌن شْن يُرُدّن قّ مَ.