8
Piŋkop dakon man madep gat ae amɨn dakon man tagɨ uŋun dakon gen
Dewit dakon kap kɨnda. Kokup pap Gat dakon gita naŋ tɨdaŋek yogogɨ.
1 Yawe, Amɨn Tagɨnin, mɨktɨmɨ mɨktɨmɨ gak dakon man pɨdaŋbisi. Tɨlɨmgo wukwisi, kundu si yapmaŋdak.
2 Mt 21.16 Gak da man madep gamni do mɨŋat monjɨyo gat ae monjɨ ŋakŋak gat yoyɨŋ dekdal.
Man madep gamɨŋakwa uwalgo da gak abɨŋ gep do aŋtɨdok aŋek gen mapmɨt aŋ.
3 Kundukon gɨk kanekyo kɨsitgo da wasaŋ kwen yopgul da toŋ uŋun pɨndagek yaŋ nandɨsat.
4 Jop 7.17-18; Kap 144.3; Ibr 2.6-8Mɨŋat amɨnyo nin niaŋen amɨn dɨ baŋ nin do nandak nandak madep asal?
Nin yo ɨsalɨsi. Nin dakon kɨla nido kakgɨmansi asal?
5 Piŋkop gak da nin gaga da mibɨlgwanjok nipgul.
Gak da nin wasaŋek tɨlɨm gat ae man madep gat nimgul.
6 1Ko 15.27; Ep 1.22; Ibr 2.8 Yo morap wasagɨl uŋun nin da kɨlani aneŋ do yaŋ mudagɨl.
Uŋun yo morap nin dakon pɨŋbi ekwaŋ.
7 Sipsip bulmakau, ae joŋ bɨt kɨlapyo gat,
8 mɨnam kwen akwaŋ gat, ae tap kɨlap ae yo morap tap kagagwan akwaŋ uŋun kɨsi nin dakon pɨŋbi ekwaŋ.
9 Yawe, Amɨn Tagɨnin, mɨktɨmɨ mɨktɨmɨ gak dakon man pɨdaŋbisi.