129
इस्राएलया शत्रुतय्त त्याकेगु प्रार्थना
यरूशलेमय् थहां वनेत हाःगु म्ये
1 इमिसं इस्राएल ल्याय्म्ह
जूबलय् निसें हे
सास्ति बियावयाच्वंगु दु।
इस्राएलं थथे धायेमा --
2 “जि ल्याय्म्ह जूबलय् निसें हे
सास्ति बियावयाच्वंगु दु,
अय्नं इमिसं जितः त्याकूगु मदु।
3 इमिसं जिगु जँन्धूफातय्
गाःवंक घाः यानाबिल
अले उकियात सा वाःगु बुँ थें
यानाबिल।
4 तर परमप्रभु धर्मीम्ह खः,
वय्कलं दुष्टत पाखें
त्वःतकादिल।”
5 सियोनया फुक्क शत्रुत लज्या
चाये मालेमा
अले लिहां वनेमा।
6 इपिं छेँया पलिइ दुगु घाँय् थें जुइमा
गुगु ताहाकः जुइ न्ह्यः हे
गनावनी।
7 सुनानं उकियात मुनाः
वा थू चिनाः यंके फइ मखु।
8 अनं जुयाः वइपिं वनिपिन्सं
सुनानं थथे धाइ मखु,
“परमप्रभुं छन्त सुवाः बियादीमा।
परमप्रभुया नामय् जिमिसं
छन्त सुवाः बी।”