13
ग्वाहालिया निंतिं प्रार्थना
दाऊदया भजन
1 हे परमप्रभु!
छिं जितः गुबलय् तक
ल्वःमंकाच्वनादी?
सदां ल्वःमंकाच्वनेगु ला?
छि गुबलय् तक
जिपाखें फस्वयाच्वनादी?
2 गुबलय् तक जिं दुःखकष्ट
सह यानाच्वनेगु?
गुबलय् तक जिं चा-न्हि
नुगः मछिंकाच्वनेगु?
गुबलय् तक जिमि शत्रुतय्सं
जितः बुकातइगु?
3 जितः स्वयादिसँ,
हे परमप्रभु जिमि परमेश्वर,
अले लिसः बियादिसँ।
जिगु मिखायात जः बियादिसँ,
मखुसा जि सी।
4 जिमि शत्रुतय्त थथे धकाः
जितः लाय्बुइके बियादी मते –
“जिमिसं वयात बुकेधुन।”
जि बूगुलिइ इमित लय्ताय्के
बियादी मते।
5 जितः छिगु सदां दइगु
दया मायाय् विश्वास दु,
अले जि छिं
बचय् यानादीगुलिइ
लय्तायाच्वने।
6 जिं परमप्रभुया भजन हाले
छाय्धाःसा परमप्रभुं
जितः स्वयादीगु दु।