1 Holoutoa Lord!

Eo, Holoutoa Lord, ighau nina vure Lord,

holoutoa na ahana Lord.

2 Bosa utoa na ahana Lord ke va me va.

3 Ivei mi vei, i ulu mi Boko,

holoutoa na ahana Lord.

4 Ma gaia Lord te haba vulera na lei kema,

ma nina rongoragha te haba vulea na parako.

5 Ivei ke nea na kageana Lord nia dida na God,

ma hei te sopou haba dato?

6 Sarana gaia na kokou mana pari, me sighorotu me vatoghai.

7 Me lavi kehara rana bona tana pari liliki,

ma gaira tara mua lologho tana vatei soni lololo

8 Talua na vinahogho ghobudira, ge ke habadira nina vure heghena.

9 Gaia te talu valena na vaivine te mua logho dalena,

ge ke kabu togotogo

Holoutoa Lord!