1 Holohaba Lord!

Holohaba gaia ta nina malei kabuna i kokou.

Holohaba gaia ta nina malei maana i kokou.

2 Holohaba gaia ta nina lutu te haeharegha

Holohaba ghua te haba vule ta nina uto.

3 Holohaba gaia, ma kau lovua na tavuli.

Holohaba gaia nia na kidi mana ghalevu ghalo.

4 Holohaba gaia nia na ukalele, ma kau ghavaighavai.

Holohaba ghua nia na kodili mana uvete.

5 Holohaba gaia nia na koko.

Holohaba gaia nia na koko te dudu.

6 Na lei totobo vola soko,

kara linge holohaba vania Lord.

Holohaba Lord!