15
Hay Nipa'innilah Amoltaan ad Moab
(Isa. 25:10-12; Jer. 48:1-47; Ezek. 25:8-11; Am. 2:1-3; Zeph. 2:8-11)
1 Hiyah te impa'innilan Apo Dios hi ma'at ad Moab. Inalinay,
“Nan duwan babluy ad Moab an ad Ar ya ad Kir* Unu ad Kir Hareseth (Isa. 16:7). Ya hiyay kapitulyud Moab eden timpu.
ya madatngan di apa"iandah un ohay mahdom.† Mid mapto' ya na'at hidin 715-713 B.C. hidin nangabakan da Alin hi Sargon III (721-705 B.C.) an nalpud Assyria ay dida.
2 Ya nan iDibon hi ad Moab ya baluonda nan i'ibbadan iNebo ya iMedeba
an umuy hinan duntug an kumanilah awadan di timpluda.
Ya nummukmukanday buu'da ya hamayda ta pangipattigandah punlungdayaanda.
3 Ya nan udum ya dumanallanandah nan kalatan
hay langgut di inlulubungda ta ipattigdan munlungdayada,
ya nan udum ya hinan nundotal an atap di a'abungda
ya hinan a'am'amungan di tatagu an way ohaan ahikikilada.
4 Ya ta"on un ad Heshbon ya hi ad Elealeh
ya madngol di kiladah engganad Jahaz.
At ta"on un nan na'atullid an tindalun di iMoab ya kumilada
ti nidugah an wumogwogdah ta'otda.”
5 Ya ta"on hi un ha"in an hi Isaiah ya malmuy homo"uh nan iMoab
an puntaynanday numpunhituwanda
ta lumayawda ta umuydad Zoar ya ad Eglath Shelishiyah.
At gunda kumilan munti'id an umuy ad Luhith,
ya limmayawda ta umuydad Horonaim di udum an gunda mundaldalan an kumanila.
6 Ya nan Ginnaw an Nimrim ya natdu',
at nun'alyaw an amin di holo' ya nan nitanom.
7 Ya nan tatagun bumad'ang ta lumayawdan e'wadah nan hadog hi awadan nan a'ayiw an ma'alih poplar‡ Mid mapto' ya hiyay igad ad Moab ya ad Edom.
ya nun'ita'indan amin di abalinandan odnan hinan inadangyanda.
8 At nidugah di kilan nan tatagun madngol hi an amin hinan babluy ad Moab
an mete"ah nan pogpog hi ad Eglaim
ta engganah nan pogpog goh ad Beer Elim.
9 Ya nan danum hinan ginnaw hi ad Dibon§ Nunhanul hi Isaiah ti nan hapit di Hudyu an Dibon ya umat hinan hapitda an mumbolah. hidid Moab
ya napnuh dalan di tatagun nun'a'atoy.
Mu hi Apo Dios ya iyal'allana damdamay pummoltana ay didan iMoab
ti nan tatagun ma'angang ya nan mangipadah an lumayaw ya patayon damdama goh di layon.
*15:1 Unu ad Kir Hareseth (Isa. 16:7). Ya hiyay kapitulyud Moab eden timpu.
†15:1 Mid mapto' ya na'at hidin 715-713 B.C. hidin nangabakan da Alin hi Sargon III (721-705 B.C.) an nalpud Assyria ay dida.
‡15:7 Mid mapto' ya hiyay igad ad Moab ya ad Edom.
§15:9 Nunhanul hi Isaiah ti nan hapit di Hudyu an Dibon ya umat hinan hapitda an mumbolah.