3
Sonemba Da Benunuri
1 Arie, Bajari, nanda gitofu digarigo eredo,
namokena osogo bu refera.
2 Ne namoá ava sise eminge resera,
“God ni jo sonembae arira.”
3 Avata arie, Bajari, ni sifo ghousa evia inono nanda dara jokáda nanda beredae buraena.
Ni nandae ninda duró muturaesa.
Edo nanda fakina mutari kato nimori.
4 Na Bajari da sonembadae kori sirureono,
nu nunda doriri kakara aminda irise,
nanda kori ningiraira.
5 Na tumba ghousa eveva aviraena da beká mo,
Bajari nu na kaifa eraira.
6 Nanda gitofu nanjogoimi na jimbe birurugherera aindae,
na jo oju ae arena.
7 Arie, Bajari, ere fu! Namo sonembase, nanda God!
Nanda gitofu sovoda dege, nenda fakina rojare!
8 Sonemba mo, Bajari kena ghe foa gheraira.
Nunda esimbugari nunda natofokena irare!