nyʋɣʋ tʋ tɑkəlɑɣɑ tɑɑ tɔɣɔlɔ.

2 Hɑɩ, Tɑcɑɑ ɩ́ mʋ nyɑ́ kʋsələmʋtʋ kɛ nyɑ́ lɑŋwɑkəllɛ wule.

Yɑkɔpʋ Ɩsɔ ɩnɩ ɩ kenti nyɑ́ tɔɔ.

3 Nɑ ɩ́ lɩɩ ɩ təyɑɣɑ tɑɑ kɛ́ Yosɑlɛm kɛ

Siyɔŋ pʋɣʋ tɑɑ nɑ ɩ́ kɔɔ nyɑ́ wɑɑsʋɣʋ.

4 Ɩ́ tɔɔsɩ nyɑ́ kɔtɑsɩ tənɑ tɔɔ,

nɑ ɩ́ mʋ nsi kɔkɔ lusɑ sɩ tənɑ tɔ.

5 Ɩ́ hɑ-ŋ mpi n sɔɔlɑ teu tɔ,

nɑ ɩ́ lɑ mpi n cɑɑkɩ tɔ.

6 Ɩlɛ tɑ́ lɑŋɑ kɑ́ hɛɛnɑ nyɑ́ nyʋɣʋ yɑpʋ tɔm.

Mpi tɔ, tɑ́ Ɩsɔ hətɛ tɑɑ kɛ́ tə pəsənɑ ɑkɑnɑɑ.

Tɑcɑɑ ɩ́ lɑ pə tənɑ mpi n sələməɣɩ tɔ.

7 Pənɛntɛ mɑ nyəmɑ sɩ Tɑcɑɑ

wɑɑsəɣɩ wulɑʋ wei n ləsɑɑ tɔɣɔ,

nɑ ń cɔ-ɩ nyɑ́ təyɑɣɑ tɑɑ kɛ́ hɑtoo ɩsɔtɑɑ.

Nyɑ́ toŋ sɔsɔɔŋ wɑɑsəɣənɑ.

8 Pɑɣɑlɛ nɑ́ tɛɛləɣɩ pɑ yoou kpɑɣɑnəŋ kɛ́,

nɑ lɛlɑɑ kɛ pə kɛɛkɛnɑɑ.

Amɑ tɑ́ ɩlɛ, tɑ́ Ɩsɔ Tɑcɑɑ kɛ tɑ́ nyənəɣɩ.

9 Mpɛ ɩnɩ pɑ nukiɣi kɛ́ nɑ pɑ́ hotiɣi.

Ɩlɛnɑ tɑɑ səŋɑ ɩsɔ təcɑ.

10 Hɑɩ, Tɑcɑɑ, wɑɑsɩ wulɑʋ.

Cɔ-tʋɣʋ wɑɑtʋ wei tə yɑɑkɩ-ŋ tɔ.