yontunɑɑ nɑ Yetutuŋ nyəntʋ tɑɑ tɔɣɔlɔ.

2 Mɑɑ tʋwɑ mɑ tɑɑ kɛ́ sɩ mɑɑ feŋ mɑ tɔntɛ tɔɔ,

nɑ mɑ́ tɑɑ pəntənɑ mɑ nɔɣɔ.

Mɑɑ kpɑ mɑ nɔɣɔ kɛ wɑɑtʋ wei ɩsɑɣɑtʋ kɑ́ wɛɛ mɑ kiŋ tɔ.

3 Pə tɔɔ kɛ́ mɑ sumɑ ɩsɩɩ kɑmumukɑ.

Amɑ mɑ lɑŋlɛ wɑkəlɑɑ nɑ mɑ wʋsɑsɩ sɔɔsɩ.

4 Nəɣəsɛɛ pɩɩ-m nɑ ɑ́ nyɑɣɑ mɑ tɑɑ

ɩsɩɩ kɔkɔ nɑ mɑ́ mɔləɣɩ.

Ntɛnɑ pə́ cɑɑlɩ-m sɩ mɑ́ sələmɩ sɩ:

5 Tɑcɑɑ kɛɛsɩ-m sɑɑ wei mɑ weesuɣu kɑ́ tɛ tɔ.

Kʋyɛɛŋ ɩsənɑɣɑ pə kɑɑsɑ-m.

Yele nɑ mɑ́ nyɩ ɩsənɑ mɑ wɛ tətɑntɑɑ tɔ.

6 Mɑ weesuɣu tɑɣɑləŋ wɛ kɛ́ ɩsɩɩ ntɑntɑkʋ wɑŋ.

Pəyele kʋ tɑ kɛ-ŋ pʋlʋ.

Yəlɑɑ tənɑ wɛ kɛ́ ɩsɩɩ heelim.

7 Yʋlʋ cɔɔkɩ kɛ́ ɩsɩɩ ɩsotom,

nɑ ɩ́ tɑŋtəɣɩ ɩsɩɩ heelim,

nɑ ɩ́ kɑɑkɩ wɛnɑʋ huwɑ.

Amɑ ɩ tɑ nyɩ kʋ kuulu.

8 Tɑcɑɑ, pənɛntɛ pepeɣe mɑ tɑsəɣɩ tɛɛlʋɣʋ?

Nyɑɣɑ mɑɑ tɛɛlɩ təkpɑtɑɑ.

9 Wɑɑsɩ-m mɑ kɑwɑlɑɣɑ tənɑ tɑɑ.

Tɑɑ yele nɑ kʋmɛlɛməŋ woŋɩ-m.

10 Pənɛntɛ mɑ sumɑɣɑ,

mɑɑ kuliɣi nɔɣɔ.

Mpi tɔ, nyɑ́ yelinɑ nɑ mɑ́ wɛɛ yɑɑsi ɩnɛ ɩ tɑɑ.

11 Hɑɩ, yele-m mɑpʋ kɛ mpʋ.

Mɑ tɔm kɑ́ tɛ nyɑ́ niŋ tɑɑ.

12 Yʋlʋ ɩsɑɣɑtʋ kɛ n hɔŋnɑ ɩ ŋkpɑŋʋɣʋ,

nɑ ń wɑkələɣɩ ɩ weesuɣu ŋku

ɩ sɔɔlɑ teu tɔ ɩsɩɩ sonsompəle

wɑkəlʋɣʋ tʋɣʋ pile tɔ.

13 Hɑɩ, Tɑcɑɑ ke ŋkpɑŋŋ nɑ ń nɩɩ,

mɑ kʋsələmʋtʋ nɑ mɑ kɑpusi.

Mɑ ɩsəlʋm tɔm ɩ́ tɑɑ kisi-ŋ pətɔɔtəlɛ lɑpʋ.

Mpi tɔ, mɑ kɛ́ mʋʋlʋ kɛ nyɑ́ tɛɣɛ,

ɩsɩɩ mɑ cɔsɔnɑɑ.

14 Kʋsɩ nyɑ́ ɩsɛ kɛ mɑ tɔɔ

nɑ ń yele nɑ mɑ́ feesi

nɑ pə́cɔ mɑ́ tɛɛ nɑ pə́ sɑɑlɩ.