nɑ pɑ́ yookinɑ cəməŋ nɑ tə́ wɛ yonyoolɑɑ

nyʋɣʋ tʋ yontunɑɑ tɑɑ tɔɣɔlɔ.

2 Tɔm kʋpɑntʋ hɑɣɑ mɑ tɑɑ kɛ́ sɩ mɑ́ yɔɣɔtɩ.

Wulɑʋ kɛ mɑ yoo mɑ yontu.

Mɑɑ yoo-təɣɩ nɑ cɑŋəm ɩsɩɩ tɑkəlɑɣɑ ŋmɑɑlʋ kʋpɑŋ.

3 N tɛ́ɛ́ ɑpɑlɑɑ tənɑɣɑ ɩsɛntɑɑ lɩɩʋ,

nɑ ń yɔɣɔtəɣənɑ cɑŋəm.

Ɩsɔ koolɑ-ŋ kʋpɑntʋ kɛ tɑm tɔɔ kɛ́.

4 Yoolɑɑ tɑɑ yoolu,

ləlɩ nyɑ́ lɑɣɑtɛ.

Ntɛɣɛlɛ nyɑ́ teu nɑ nyɑ́ teeli.

5 Kpɑ nyɑ́ yoou kɛɛkɛ tɑɑ nɑ nyɑ́ sɔsɔɔntʋ,

nɑ ń hʋlɩ tɑmpɑnɑ təŋʋɣʋ nɑ ń sɛɛnɑ ɑcɑmɑɑ tɔɔ.

Nyɑ́ toŋ ɩ́ nɑ́nɑ́ nyɑ́ kookɑlənɑɑ sɔsɑɑ tɑɑ.

6 Tɔ nyɑ́ nyəmɑ́ kʋsɛŋtɛɛ

nɑ ń yɑɣɑ nyɑ́ kolontunɑɑ nyɑmɑ

nɑ ń məŋnɑ-wɛɣɛ nyɑ́ tɛɛ.

7 Hɑɩ, Ɩsɔ, nyɑ́ kumte wɛ tɑm tɔɔ kɛ́.

Tɑmpɑnɑ kɛ n təŋəɣɩ nɑ ń tɔkənɑ nyɑ́ kɑwulɑɣɑ.

8 N sɔɔlɑ siɣisuɣu kɛ́ nɑ ń kisi ɩsɑɣɑtʋ.

Pə tɔɔ kɛ́ nyɑ́ Ɩsɔ ləsɑ-ŋ nyɑ́ tɑɑpɑlɑɑ tɑɑ,

nɑ pɑ́ pəlɩ-ŋ kɔtɑɣɑ nim.

9 Nɑ tulɑɑlʋnɑɑ wɑɑnɩ wɑɑnɩ sɔɔsʋŋ kɛ nyɑ́ wontu tɔɔ.

Nɑ lɑŋhʋlʋmlɛ yonkpɑɑmɑ kʋləɣɩ,

nyɑ́ kutuluŋ wei pɑ lɑpɑ cɑŋəm nɑ tuuŋ kelɑ tɔ ɩ tɑɑ.

10 Awulɑɑ pɛɛlɑɑ wɛ kɑwulɑɣɑ təyɑɣɑ tɑɑ ɑlɑɑ tɑɑ.

Wulɑʋ ɑlʋnyəŋ səŋɑ nyɑ́ ntɔɣɔŋ tɔɔ

nɑ ɩ́ tʋwɑ wʋlɑnɑɑ kʋpɑmɑ.

11 Mɑ pɛɛlɔ ke ŋkpɑŋŋ kɛ teu

nɑ ń kɛɛsɩ ɩsɛ nɑ mɑ tɔɔ.

Sɔɔ nyɑ́ yəlɑɑ nɑ nyɑ́ cɑɑ təyɑɣɑ pə tɔɔ.

12 Wulɑʋ ləsɑɣɑ ɩ́ sʋʋ-ŋ nyɑ́ teu tɔɔ.

Ɩnəɣəlɛ nyɑ́ sɔsɔ, luŋɩ-ɩ ɑtɛ.

13 Tiii ɩcɑtɛ nyə́mɑ mpɑ pɑ wɛnɑ liɣitee

nɑ pə́ kəlɩ lɛlɑɑ tɔ,

pɑɑ pɛɛkɩ sɩ ń hʋlɩ-wɛɣɛ pɛɛlɛɛ,

ɩlɛnɑ pɑ́ hɑ-ŋ kʋcɔɔŋ.

14 Wulɑʋ pɛɛlɔ tewɑɣɑ təkpɑpɑ kɛ́ kɑwulɑɣɑ təyɑɣɑ tɑɑ.

Wontu nti pɑ lʋʋnɑ wʋlɑ tɔɣɔ ɩ suuwɑ.

15 Pɑ sɔpɑ-təɣɩ ŋmɑləm pɑɣɑlɛ kɛ́.

Ntəɣɩ ɩ suuki nɑ pɛɛlɑɑ sɩɩ-ɩ nɑ pɑ́ ponɑ wulɑʋ kiŋ.

16 Nɑ pɑ́ sʋʋkənɑ-ɩ nɑ kɑwilitɑsɩ kɛ wulɑʋ təyɑɣɑ.

17 Hɑɩ, wulɑʋ, kʋyɑkʋ nɑkʋlɩ nyɑ́ piyɑ

ɩ́ kpɑɣɑ nyɑ́ cɔsɔnɑɑ kɑwulɑɣɑ kumte,

nɑ ń lɑ-wɛɣɛ ɑntulinyɑ tənɑ ɑwulumpiyɑ.

18 Amɑ mɑ́ɑ́ tɔɔsəɣɩ nyɑ́ hətɛ kɛ pɑɑ wɑɑtʋ wei kɛ́.

Ɩlɛnɑ yəlɑɑ tənɑ sɑŋɩ-ŋ tɑm tɔɔ.