nyʋɣʋ tʋ yontunɑɑ tɑɑ tɔɣɔlɔ.

2 Hɑɩ, Ɩsɔ nɩɩ mɑ nɔɣɔ kɛ wɑɑtʋ wei mɑ mɔləɣɩ tɔ.

Kenti-m kolontu wei ɩ nyɑɑsəɣɩ-m tɔ.

3 Fiti-m ɩsɑɣɑtʋ nti ɑsɑɣɑɑ tɑɣɑnɑ mɑ tɔɔ tɔ,

nɑ ń hɑtələnɑ-m nti yəlɑɑ wɑkəllɑɑ mɑɣɑsəɣɩ mɑ tɔɔ tɔ.

4 Pɑ nɔɔsɩ nɑ lɔŋ kɛ́ ɩsɩɩ lɑɣɑtɛ nte pɑ sɑlɑɑ tɔ,

nɑ pɑ tɔm ɩsɑɣɑtʋ wɩɩkɩ ɩsɩɩ nyəmɑ́.

5 Yəlɑɑ kʋpɑmɑ kɛ pɑ tɔɔkɩ pɑ nyəmɑ́ kɛ mukɑɣɑ.

Pɑɑ heeliɣi-wɛ nɑ pə́cɔ pɑ́ tɔ-wɛ,

pə́cɔ sɔɣɔntʋ fɛɩ-wɛ.

6 Pɑ kɑɑsəɣɩ pɑ təɣɩ pɑ ɩsɑɣɑtʋ təmlɛ tɑɑ kɛ́,

nɑ pɑ́ mɑɣɑsəɣɩ ɩsənɑ pɑɑ nyɩ pɑ kɑtɔsɩ tɔ,

nɑ pɑ́ tɔŋ sɩ nɔɣɔlʋ kɑɑ nɑ-sɩ.

7 Ɩsɑɣɑtʋ kɛ pɑ mɑɣɑsəɣɩ.

Nɑ pɑ́ tɔŋ sɩ tɑ́ sɔɔlʋ pɩɩwɑ.

Tə tʋwɑ mpi tɩɩ lɑ tɔ pə pəlɛ.

Yʋlʋ lotu wɛ lumɑŋ kɛ́.

8 Ɩlɛnɑ Ɩsɔ nɑ́ɑ́ tɔ-wɛɣɛ nyəmɑ́,

nɑ ɩ́ yɑɣɑ-wɛɣɛ kpɑkpɑɑ.

9 Pɑ kʋyɔɣɔtʋtʋ hunɑ-wɛ,

pɑ tənɑ mpɑ pɑ nɑɑkɩ-wɛ tɔ

pɑ kpɛɛtəɣɩ nyɔɔŋ.

10 Sɔɣɔntʋ kpɑ yəlɑɑ tənɑ

nɑ pɑ́ kpɑɑləɣɩ mpi Ɩsɔ lɑkɩ tɔ,

nɑ pɑ́ cɛkəɣənɑ ɩ kʋlɑpəlɛ hʋwɛɛ.

11 Siɣisilu ɩ́ yɔɔlənɑ Tɑcɑɑ nɑ ɩ́ tʋɣɩ-ɩ kpʋlʋɣʋ.

Pɑ tənɑ mpɑ pɑ təŋəɣɩ tɑmpɑnɑ tɔ pɑ́ sɑ pɑ tɩ.