នាវកោរាញឞ្រាសងើយនាវតឹមរាង្លាប់មហែ ២ កោរិនតោ 6

1 យ៝រមាហេនជានការនទ្រែលកោរាញឞ្រាស ខាន់អៃមៃលែៈឆ៝ៈទើនជេសនាវអ្វែសកោរាញឞ្រាស លាសនទ្រីហេនទាន់ខាន់អៃមៃហោងាន់៖ ខាន់អៃមៃលើយអោសគុទាសមាអុចទើម តឹមឞានមានាវអ្វែសកោរាញឞ្រាសមោគែសខ្លៃមាខាន់អៃមៃ។ 2 យ៝រលាសពាង់លែៈលាសនើស៖

«គ៝ប់អើសនាវខាន់អៃមៃមឞើសឆើមតាម៝ងគ៝ប់លែៈអើមអុច‌

គ៝ប់កើលខាន់អៃមៃត៝ត់ទីនារគ៝ប់លែៈអើមអុចរាក្លាយ្សខាន់អៃមៃ»†។

នោកអាបៃអ្យាជេងម៝ងអីនៃ នោកនារអ្យាជេងនារកោរាញឞ្រាសរាក្លាយ្ស។

3 ហេនញឆ្រោយ្សគុងាវអ្វែស គៃមាមោអោសគែសទូនតីលនទើអ៝ន់ឞូនទុយ្សហេន នហ៝មាតឹមរាលាច់មោអោសឆ៝ៈទើននាវហេននតុមនតី យ៝រមានាវគុងាវហេនមោអ្វែសនៃ។* 4 ទឹងលែៈនទើហេនជាន ហេនញហើអ៝ន់ឞូឆៃហេនឞូនុយ្សឆើមកើលជានការមាកោរាញឞ្រាសងាន់ងេន៖ តានាវគុន៝ប់តានាវញឆីង ឞ៝លលាសគែសអាប់នតីលនាវជេរជ៝ត់ ម៝ប់មានាវរេសរាញាល់ នាវងក្ល៝ន់រាវៃ‌* 5 នាវឞូពុមឞាងហេន នាវឞូតេៈហេនត្រោមនទ្រូង នាវឞូជាននាវអុសអាស នាវហេនជានការរាអាសរាគាញ់ នាវហេនរាគ៝ង់មាត់ នាវហេនមោគែសនទើឆោងឆា។* 6 ហេនញហើអ៝ន់ឞូឆៃហេនឞូនុយ្សឆើមកើលជានការមាកោរាញឞ្រាសងាន់ងេនមានាវគុងាវអ្វែស មានាវគឹតនាល់កោរាញឞ្រាស មានាវឞ្លាវអ៝ត់នូយ្ស មានាវជានអ្វែសមាឞូ មានាវឞ្រាសហ្វេងអ្វែសអីក្ល៝សអ្វែសគុនទ្រែលហេន មានាវគែសនូយ្សនហ៝ម់រ៝ង់មាឞូរាប់ជាប់‌ 7 មានាវមឞើសងក៝ចនាវងាន់ មានាវទើយកោរាញឞ្រាសនើម។ នាវហេនគុឆ៝ង់ជេងតឹមឞានមាទ៝ង់ដាវមាតឹមលើសតាតីឞើសមា ទ៝ង់ខេលមាញជ្រាង់តាតីឞើសច្យៅ។* 8 ឞូឆៃហេនឞូនុយ្សឆើមកើលជានការមាកោរាញឞ្រាសតានាវឞូយើកហេន តានាវឞូឞ្យាញ់ តានាវឞូមឺចរាម៝ត តានាវឞូរានេ។ ឞូកើបហេនជេងឞូនុយ្សមរោស យើនមាហេនជេងឞូនុយ្សឆ៝ង់។ 9 ឞ៝លលាសឞូលឺហេនកាដោយ អ៝ក់ឞូនុយ្សហោមកើបហេនមោគែសនាវខ្លៃ។ ហេនឞើយមាខឹតបាបើងាន់ យើនមាហេនហោមរេស។ ឞូពុមឞាង យើនមាហេនមោអោសខឹតឆាក់។* 10 ឞូជានអ៝ន់ហេនគែសនាវងក្ល៝ន់រាង៝ត យើនមាហេនអ្វែសមអាកបាបើងាន់។ ហេនឞូនុយ្សអ៝អាច យើនមាហេនតឹមឞានមាជានអ៝ន់ឞូនុយ្សជេងនទ្រ៝ង់អ៝ក់ងាន់ អ្វាញ់ហេនតឹមឞានមាមោអោសគែសទូនតីលនទើ យើនមាហេនគែសទាទេ។*

11 អើអ៝សនោតានាវញឆីងតាប៝នកោរិនតោ ហេនងើយមាខាន់អៃមៃមាលែៈនូយ្សនហ៝ម់ងាន់ ហេនមោអោសពោនម៝។* 12 នូយ្សនហ៝ម់ហេនមោអោសគែសនាវកែសក៝សមាខាន់អៃមៃ ឞ៝លលាសនូយ្សនហ៝ម់ខាន់អៃមៃនើមអីគែសនាវកែសក៝សនៃមាហេន។ 13 ហេនងើយមាខាន់អៃមៃតឹមឞានមាងើយមាក៝នឆៅហេននើមងាន់ លាសនទ្រីអ៝ន់ខាន់អៃមៃគែសនូយ្សនហ៝ម់អ្វែសមាហេនទោ តឹមឞានមាហេនលែៈគែសនូយ្សនហ៝ម់អ្វែសមាខាន់អៃមៃដ៝ង់។

នាវតឹមងខាសដាសឞូនុយ្សអីមោញឆីង

14 ឞូមោអោសមឞាក់នទ្រែលមពោមពា(ឆ្យុម) ង្វាយនទ្រោក ង្វាយឆែស កើតនទ្រីដ៝ង់លើយអោសតឹមរាង្លាប់ជាននទ្រែលនទើមាឞូនុយ្សអីមោញឆីង យ៝រលាសនាវឆ៝ង់ដាសនាវក្វែគុនទ្រែលមោអោសឞ្លាវ នាវអាងដាសនាវង៝គុនទ្រែលក៝ៈមោឞ្លាវដ៝ង់។* 15 ឞ្រាសក្រីស ដាសឆាតាង់ *អីកោរាញមពោលឞ្រាសអ្យើសឞ្លាវតឹមលាប់ឞាល់ដ៝ង់ឞើស? ឞូនុយ្សញឆីងដាសឞូនុយ្សមោញឆីងឞ្លាវគុទូនតោរនាវឞាល់ដ៝ង់ឞើស? 16 ញីសឞ្រាសកោរាញឞ្រាសនើមដាសមានតុកអោបឞ្រាស†ឞ្លាវតឹមលាប់ឞាល់ដ៝ង់ឞើស? យ៝រលាសទឹងលែៈឞ៝ន់ជេងតឹមឞានមាញីសឞ្រាសកោរាញឞ្រាសនើម ឞ្រាសអីរេសងាន់ ពាង់លែៈលាសជេសកើតនអា៖

«គ៝ប់មរាគុតាខាន់ពាង់ ជេសរីហាន់ឞ្រោៈនទ្រែលខាន់ពាង់ដ៝ង់។

គ៝ប់មរាជេងអីឞ្រាសខាន់ពាង់

ជេសរីខាន់ពាង់ជេងអីផូងប៝នលានគ៝ប់នើម»†។*

17 លែៈគែសញចីសដ៝ង់៖

«កោរាញឞ្រាសលាស៖ «លាសនទ្រីទូហ៝ម់ឞើសផូងអីមោអ្យាត់គ៝ប់នៃ‌

ជេសរីគុអេងរាញើសហ៝ៈ

លើយអោសពាសនទើអីបឹបើច‌

នទ្រីទឹងគ៝ប់រ៝មខាន់អៃមៃ»»*។*

18 ««គ៝ប់មរាជេងឞឹមាខាន់អៃមៃ‌

ជេសរីខាន់អៃមៃមរាជេងអីក៝នឞូអូរក៝នឞូក្លោគ៝ប់នើមដ៝ង់»

នទ្រីនាវងើយកោរាញឞ្រាសនើមអីទុតគែសនាវទើយមាទឹងលែៈនតីលនទើ»†។*

†6:2 ៦:២៖ អេឆា ៤៩:៨

*6:3 ៦:៣៖ ១តម ៣:៧

*6:4 ៦:៤-១០៖ ២កោ ៤:៨-១៣; ១១:២៣-២៩; ១កោ ៤:៩-១៣; ២តម ៣:១២

*6:5 ៦:៥៖ ១កោ ៩:២៧

*6:7 ៦:៧៖ ២កោ ៤:៦-៧

*6:9 ៦:៩៖ ការ ១៤:១៩-២០

*6:10 ៦:១០៖ ផល ៤:១១-១៣; ១តម ៦:៦-៨

*6:11 ៦:១១-១៣៖ ផល ១:៨; ១កោ ៤:១៥

*6:14 ៦:១៤-១៧៖ មថ ៦:២៤; ១កោ ១០:២១; អេផ ៥:៦-១១

*6:15 ៦:១៥៖ តានាវងើយគ្រែក លាស៖ «បេលៀល» ជេងរាញាង្វាយមាឆាតាង់ ។

†6:16 ៦:១៦៖ «នតុកអោបឞ្រាស» មោលាស «រូបឞ្រាសអេងៗ»។

†6:16 ៦:១៦៖ អេឆេ ៣៧:២៧

*6:16 ៦:១៦៖ កល ២៦:១២; យេរ ៣២:៣៨

*6:17 ៦:១៧៖ អេឆា ៥២:១១

*6:17 ៦:១៧៖ អេឆេ ២០:៣៤, ៤១

†6:18 ៦:១៨៖ ២ឆា ៧:១៤

*6:18 ៦:១៨៖ អេឆា ៤៣:៦