142
Kau aaknga Devitda sup gapbat katang yuke matakut.
1 Na Buyambam tapata gatangamikge kumzang yanggamatanggat.
Ngan, na ita butaya natake gatangamikge kekeknga ininggamatanggat.
2 Nata nangaakan nataat takngae gatu meya kuupbam
nae apukaing ngangge ininggat.
3 Sike musipmaatang natapa meya siwan
na apmainanggenggat ngang natakengu,
Buyambam tapa, gata minaka tasiwitde atnataayak ngang nataat.
Sike kepi nata kunanga gwakatangu bungeu gwa tasike takusopuking.
4 Nata ninae wesim kaat.
Kawa ngana aminu tapatu dua yuuknga gatangamik.
Aminu tapatu dua yuuknga kakuya nae tasiwik.
Siwan aminu tapatu nae butaya natangamuke gatangamunangge nataau wena.
5 Unzingge, Buyambam tapa, nata gae yanggau gata akgatangamiakge yanggat.
Gatakan na kakuya tasinggayak kapanin.
Sike kayuk yuwit kopatangu gatakan siknga naat yutzimde nataat.
6 Gata gatangamiakge sikgatde natapso.
Dasingge, natane musipmaatangu meya siknga.
Aminu na tasiwan mainggat takwau kekeknga siknga. Nata waakwau yapbitnanga dua.
Unzingge gata na ie kataune sandeke tapso.
7 Gata na meya waaknga kaaune sandeke tapi na take yuwit.
Unzingge gatane amindabamu unekan gwa yuwan kakengu
gatane umanda yatangenawit.
Minae, gata nae take tasikuyak.