1 Anante nagra kogeno, sipisipi anentamo 7ni'a fukinu rekamerente'nea avontafepinti, mago fuki eriganopegeno, 4'a kasefa hu'za mni'naza zgafinti mago'zmimo'a monage'moma hiaza huno anage hu'ne, eno! 2 Higena anante negogeno, efeke hosi afumofo agofetuma mni'nemo'a, ati eri'negeno kini fetorira amigeno, harafa vahe'mo ha' huno zamagtereno viankna huno vu'ne.

3 Anante'ma sipisipi anenta'mo nampa 2 fukima rekamrente'nea avontafera, eri kanopegeno, kasefa huno mni'nea zgafinti nampa 2 zgamo'a eno! hu'ne. 4 Anantera mago koranke hosi atiramino egeno, hosi afumofo agofetu'ma maninemofona hanave amigeno, rimpa fruma erino mopafi mni'zana eritregeno, vahe'mo'za ohefri ahefri hanazegu, bainati kazina agrira ami'ne. (Mat 24:6-7)

5 Anante nampa 3 fukima rekamare'nea avontafe Agrama eri kanonepegeno, kasefa huno mni'nea nampa 3 zgamo'a anage hu'ne, eno. Hige'na koana mago hanike hosi egeno, ana hosimofo agofetuma mni'nemofona makazama refko huno kna'ama ke'za sigeli azampina me'ne. 6 Hagi anantera antahugeno monagemo'ma hiaza huno 4'a kasefa hu'za mni'naza zgaramimofo amu'nompintira anage hu'ne, mago knamofo erizante miza eriakna huno mago osi witi ku erigeno, mago knamofo erizante miza eriakna huno, 3'a onesisi bali enerinka, masavene waininena eri haviza osunka atregeno me'no hu'ne.

7 Anantera sipisipi anentamo'a avontafema nampa 4 fukima rukamare'nea eriganopegeno, kasefa huno mani'nea nampa 4 zgamo'a eno! hu'ne. 8 Higena anantera kogeno, kanifuge hosimofo agofetuma mni'nemofona agi'a, frizane huno me'ne. Higeno fri vahe kumamo'a amage avaririno ne-egeno, vahema zmahe fri hanave amigeno, 4'a kevu vahema maninafintira, mago kevu vahera bainati kazinu'ene, agama atezamo'ene, krimo'ene ama mopafi afi zgamo'zane, tusi zgamo'za zamahehana hanage'za frigahaze.

9 Anantera sipisipi anentamo'ma avontafera nampa 5 fukima rukamare'nea eri kanonepegeno, kre sramnavu ita agafafintira, Anumzamofo ke'ma nentahiza amage'ma nentazageno, zmahage'za fri'namoza, 10 ranke hu'za kezati'za, Ramoka Ruotge hunka tamage nehamoka, Kagra tagri koramofo nona'a, nazupa keaga huzmantenka mopafima mni'naza vahera refko huzmantegahane? hu'naze. 11 Hagi efeke kukena anamokizmia hunezmanteno, akoheta osia knafina mani fru hunenkeno, mago'a Anumzamofo naga ene neramafugizmia, tamagri'ma tamahe fri'neaza hu'za zamahe fri vgareteno huno hu'ne.

12 Anante avontafetema nampa 6 fukima rekamarenteneana, Agra eri kanopegena kogeno, tusi'a imi krefa mopafina erigeno, zagemo'a hinunke kukenagna higeno, ikamo'a korankna huno koranentike higeno, 13 monafi hanafitamimo'a, hanave zahomo fiki zafamofo eritagosi higeno afuore rgamo tagiramiaza huno, mopafi atafri rami'naze. 14 Hagi negogeno monamo'a sagane huno, harontafe regazarino neviankna huno nevigeno, maka agonamozane, ti amu'nompi me'nea mopamo'za kuma'zamia atre'za vu'naze. 15 Anantera ama mopafi kini vahe'mo'zane, mrerisa vahe'mo'zane, harafa vahe'mo'zane, feno vahe'mozane, hanave vahe'mo'zane, maka kazokzo eriza vahe'mo'zane, fru hu'za mani'naza vahe'mo'za, zamagra havegampine, agonafi me'nea havefi fraki'naze. 16 Ana nehu'za agonamofonku'ene havemofonkura anage hu'naze. Tagri tagofetu eraminka, kini tratema maninemofo avure'ene, sipisipi anentamofo rimpa herante zampintira refiteranto, 17 Na'ankure Anumzamofone, sipisipi anentamoke znarimpama, kumi vahema aheznante'za refkoma ha'a rankna hago efore nehianki, iza zanavurera otigara hu'ne? hu'za hu'naze.