1 Anantera mago afi zga hagerimpinti hanatino mrerige'na kogeno, 7ni'a agenopa megeno, 10ni'a pazive ana agenopafintira mrerigeno, ana 10'a pazivetera kini fetori menegeno, Anumzamofo huhaviza hunte agiramina zmasenire me'ne. 2 Hagi ana afi zgama ke'noana lepatigna higeno, agamo'a bea agagna higeno, agi'mo'a laioni agikna hu'ne. Hanki agaza hunte tusi osifavemo agra'a hihamu hanavene, kini tra'ane maka kegvahu hanavea ami'ne. 3 Nagra koana mago agenopa ko aheneanagi, anama ahe'nea zamo'a teganigeno so'e huntene. Higeno maka mopafi vahe'mo'za antri nehu'za, muse hunte'za, ana afi zgamofo amage ante'naze. 4 Ana vahe'mo'za agaza hunte osifavemofo monora hunte'naze. Na'ankure ana agaza hunte osifavemo'a, afi zgamofona kegvahu hanavea ami'negu, ana vahe'mo'za monora tusi zgamofona hunente'za anage hu'naze, iza ama tusi zgagna hu'nesimo hara huntega hu'ne? hu'za hu'naze.

5 Hanki Anumzamo'a atregeno, ana afi zgamo'a avufga ra nehuno, Anumzamofona azanava kea nehuno, 42'a ikamofo agu'afi hanavea amigeno ruzahu ruzahu kaguvazana hu'ne. 6 Hanki ana afi zgamo'a agira aka huno, Anumzamofona azanava kea hunenteno, Agi'amofona huhaviza hunenteno, Agri nagama monafinka mono noma'agna hu'za mni'naza nagara, huhaviza huzmante'ne. 7 Hagi Anumzamofo nagama ha'marezmante hanavenena amigeno, hahu zmagatenereno, maka naga nofima, vahe'ma, zmageruma maka kumama, kegvama kri hanave ami'ne. 8 Maka ama mopafi mni'naza vahe'ma, ahe'naza Sipisipi Anentamofo asimu eri avontafepi zmagima, monane mopanema tro'ma osu'neno kre ontenesia vahe'mo'za, ana afi zgarera monora huntegahaze. 9 Izago kagesa me'nenigenka nentahisamoka, antahise huo. 10 Izano Anumzamo huno avreno kina huntegahie hunesimo'a, kina ome hino. Izano kazinknonteti ahefrigahie hunesimofona kazinknonteti ahefrigahie. Hanki ama ana zmavu'zmavazana akohe'za mni'neza kazigazi hu'za knazama eri'za vnagu kea hu'ne!

11 Anantera ru afi zgamo mopafinti hanatino egena kogeno, sipisipi anentamofo tare pazivekna pazive asenirera me'negeno, kema hiana tusi'a agaza hunte osifavemofo agerukna ageru ru'ne. 12 Nampa 2 afi zgamo'a, nampa 1ni afi zgamofo kegvahu hanave'a, agri avure eri ama nehuno maka ama mopafi mni'naza vahera, nampa 1ni afi zgama koma ahazageno namuma'amo tegani'nemofo monora hunteho hu'ne. 13 Anante nampa 2 afi zgamo'a ruzahu ruzahu avameza eri fore nehuno, maka vahe'mokizmi zmavufi kaguvaza higeno monafinti'enena tevea reno erami'ne. 14 Ana nehuno mopafima mni'naza vahera rezmataga hu'ne, na'ankure nampa 1ni afi zgamofo avufina, ruzahu ruzahu avame'za nehuno, nampa 1ni afi zgama koma kazinknonu ahazageno friteno asimuma erinea afi zgamofo amema'a tro hiho huno zmasami'ne. 15 Asimu'ante hanave amizageno, ana amema'a tro hunte'naza amema'a asimu amigeno, ana amema'amo'a keaga higeno, ana amema'ama mono huontesaza vahera zmahe frigahie. 16 Hagi anante nampa 2 afi zgamo huzmanteno, mika amane vahero zamagi me'nea vahero, zgo'a me'nea vahero, zgo'a omne vahero, amne vahero, kazokazo eri'za vahe'mokizmia avame'za tamaga zmazante'ene, kokovite'enena krentegahaze. 17 Ana hanigeno mago vahe'mo'e huno mizasege, zgorera atrege osugahianki, ana afi zgamofo agimofo nampama erinenia vahe'moke mizasege, zgore atrege hugahie. 18 Vahe'mo'ma knare antahintahima erinenimo'a atregeno, ana afi zgamofo nampana refko huno keno, ana nampana mago ne'mofo nampakino, ana nampana 666 me'ne.