1 O Tupàn, hepyro pe nekàgaw pupe nehe.

Hemunyryk kar pe katu 'ymaw wi nekàgaw pupe nehe.

2 Einu, o Tupàn, newe heze'egaw nehe.

Ezeapyaka katu heze'eg rehe nehe.

3 Ta'e amo wanuwi wiko wera'u ma'e uhem wà waiko heàmàtyry'ym pà a'e wà xe.

Ipuruzukaiw ma'e ipuruzuka wer herehe wà.

A'e teko nuzekaiw kwaw Tupàn rehe wà.

4 Akwaw Tupàn hepytywà har romo heko haw ihe.

Heàmàtyry'ymar waneitykar romo heko haw akwaw no.

5 Tuwe Tupàn umuzewyr kar heàmàtyry'ymar wakatu 'ymaw a'e nehe, wakutyr a'e nehe.

Tupàn nutyryk kwaw wemiaihu wanuwi.

A'e rupi umumaw putar heàmàtyry'ymar a'e wà nehe.

6 O Tupàn Tuweharupi Wiko Ma'e. Azuka kar putar ma'ea'yr neruwa rupi ihe wà nehe, ta'e heporomono wer wanehe newe ihe xe.

Amume'u putar nekatu haw nehe, ta'e nekatuahy ne xe.

7 Erezo'ok ma'erahy heremipuraraw paw ihewi.

Aexak heàmàtyry'ymar waneityk awer no.