1 O Tupàn, hepyro pe nehe.

Hepytywà pe kury, Tupàn Tuweharupi Wiko Ma'e.

2 Tuwe amo weityk

Herehe ipuruzuka wer ma'e paw a'e wà nehe.

Tuwe uzeapo ikàg 'ym ma'e romo wà nehe.

Tuwe hema'erahy rehe hurywete ma'e uzàn umaranugar romo wà nehe.

3 Tuwe herehe uze'eg urywahyahy ma'e

U'ar iaiw paw pupe wà nehe.

Tuwe he'o ma'e romo uzeapo wà nehe no.

4 Tuwe nemuwete har paw hurywete wà nehe.

Tuwe hurywete katu wà nehe.

Tuwe nepurupytywà haw iamutar katu har uze'eg nezewe tuweharupi wà nehe.

— Uhua'u tuwe Tupàn a'e, tuwe i'i wà nehe.

5 Aiko hemetarer 'ym ma'e romo ihe. Naheta kwaw ma'e ihewe, o Tupàn.

Ereiko hepytywà har romo.

Hepyro har romo ereiko.

Neàrew zo hepytywà mehe nehe, o Tupàn Tuweharupi Wiko Ma'e.