125
थः प्रजाया छचाःखेरं परमप्रभु
यरूशलेमय् थहां वनेत हाःगु म्ये
1 परमप्रभुयाके
भरोसा तइपिं
सकलें सियोन पर्वत थें खः,
गुकियात संके फइ मखु
तर न्ह्याबलें दनाच्वनी।
2 पहाडत यरूशलेमया
छचाःखेरं दु थें
आवंलि अले न्ह्याबलें परमप्रभु
थः मनूतय् छचाःखेरं दी।
3 दुष्टतय्सं परमप्रभुं थः मनूतय्त
बियादीगु देशय् न्ह्याबलें
राज्य याइ मखु।
मखुसा धर्मीतय्सं हे
मभिं ज्या याइ।
4 हे परमप्रभु, भिंपिं मनूतय्त
व नुगः बांलाःपिन्त
भिं हे यानादिसँ।
5 तर मखुगु लँपुइ वनिपिन्त
दुष्टत नापं
हे परमप्रभुं
पितिना छ्वयादिसँ।
इस्राएलय् शान्ति जुइमा।