15
Genuai Bidigo te Moap dabe dolaibao
1 Te bulu Moap polo dolalio. Tama Genuai
Bidigo te po mani.
Te hulide boi bidi dabe aselama,
te hanu Ar me hanu Kir dolagasali,
tama megi da, Moap mu tama sese dolalio.
[Ais 25:10-12; Jer 48:1-47; Ese 25:8-11; Amo 2:1-3;
Sef 2:8-11]
2 Tama tibaso, te genuai hanu Dibon
we bidi augwali te augwa tibo god dabeba
lotu wabo pesageba dabe pelama,
tama gela wagi pali.
Te Moap dabego te hanu Nebo,
me hanu Medeba polo dolai yaibaso, gela wali.
Augwali hobede mu elama, tama augwa tobolu nisi me
penane nisi poala sąyanio.
3 Tama augwaligo hobede yai ugwa dabe
gudama, tama te hanu sunumi dabede bilaluali.
Tagala, augwali augwa be pedude
bidibo me, o deliba sisinibo pesagede bidibo me.
Tigidali gela genuai mu wali.
Tama gela ųga hauwa mu augwaligo gedudu tulalualio.
4 Te hanu Hesbon we bidi, me hanu
Eleale we bidi, augwali me moni gela mu wali.
Tama te hanu Jahasde bidibo we bidi
augwaligo te bage augwaligo gela wabo odali.
Te bomai ami bidi dabe me gela olama, i hae wali.
Te Moap dabego bomo sese sia sali.
5 Eno Moap dabe hobede ebaso, gela obao.
Magi baso meni. Augwali augwa bulu tagalama,
wi te hanu Soarba peyu, te hanu
Eklat Selisia wi peyu ebaso.
Augwali gela genina mu olama,
tama augwali te sunumidu ugwa
hanu Luhitba holobao.
Tama me, augwali gela elali
te Holonaimba pabo sunumidu
ugwaba holoyu, tama augwaligo
geda genuai mu obao.
6 Magi baso meni, te wę Nimlim sese mu sula selama,
tama te nosai da, te wę sesegede
elaluali me sasia pali.
Tama te pesagede tonali, te nosai me, ni dabe me,
me holabo badi tonobo ąǫ ebeo.
7 Tama tibaso, te Moap dabe augwa
wiegi yai nai dabe augwa hanude saboduali nai
dabe augwaligo sela,
te nai dabe dali wi pali.
Augwali te ni sili bulu aiya dulai sunumidu pelama,
te bulu Moap taga pali.
8 Te hanu Eklaimde bidibo we bidi,
me te hanu Bedelimde bidibo
we bidi, me te bulu Moap tomode
bidibo we bidi, augwali gela obao.
Tama augwaligo gela genuai pedalali.
9 Te mu tama, te wę Dimon
te Moap dabego kanemego pągąna pali.
Tiali goli, Genuai Bidigo te po wali,
agai te Moap dabe dene genuai genina mu ma
mawaibao, wali.
Agai te bulu yowi laionbolo polo
walai dao, te Moap dabe wi pali,
me te Moap dabe meba te bulude bidibo bage
dola silimainu agai polo wali dao.