25
Bilidadi
1 Olaṉa se Bilidadi, sa tie mae guana pa popoa Sua,
2 “Doduru ṉiniraṉira tana binaṉara si Nana sa Tamasa,
doduru si kaqu magasa na pamaṉa nia si Asa;
tavetia Sa sa binule pa Maṉauru.
3 Esei boka nae i sari Nana qeto minate varipera?
Sa kalalasa te Tamasa si kamo koari doduru vasina.
4 Vea, kote boka toṉoto sa tie pa kenuna sa Tamasa?
Boka via sa tie pu podo pa barikaleqe?
5 Pude sa sidara ba lopu ṉiṉira sa kalalasana,
meke sari pinopino si lopu via pa Nana dinogodogorae,
6 si vegua sa tie, sa uloso sana, sa nikuniku?
Na tie mo bisa, sapu gua mo na uloso!”