زبُور 20
موسیقی کے ہدا یت کار کے لئے داؤد کا نغمہ
1 شاید مصیبتوں کے وقت مدد کے لئے تمہاری پکار پر خدا وند جواب دے۔
یعقوب کا خدا تیری حفاظت کرے
2 شاید خدا اپنی مقدس جگہ سے تیرے لئے مدد بھیجے۔
شاید، وہ تجھے صیّون سے مدد کرے۔
3 خدا تیرے سب تحفوں کو یاد رکھے۔
اور تیری سب قربانیوں کو قبول کرے۔
4 خدا تیرے دل کی آرزو پو ری کرے۔
وہ تیرے تمام منصوبوں کو مکمل کرے۔
5 خدا جب تیری مدد کرے تو ہم بہت خوش ہو نگے۔
ہم خدا کی عظمت میں حمد کریں۔
خدا وند تمہیں ہر وہ چیز دے جسکی تم اس سے درخواست کرو!
6 میں اب جانتا ہوں کہ خدا وند مدد کر تا ہے اپنے اُس بادشاہ کی جس کو اُس نے چنا۔
خدا تو نے اپنی مقّدس جنّت سے اپنے منتخب بادشاہ کو جواب دیا۔
خدا نے بادشاہ کی حفاظت اپنی عظیم قوّت سے کی۔
7 بعض کو اپنے رتھوں پر بھروسہ ہے ، بعض کو اپنے سپاہیوں پر بھروسہ ہے ، مگر ہم اپنے خدا وند خدا پر توکّل کر تے ہیں۔
ہم اُس کے نام سے پکارے جائیں گے۔
8 لیکن وہ تو شکست کھا ئے اور جنگ میں مارے گئے۔
مگر ہم نے فتح حاصل کی اور فاتح کی طرح اُبھرے۔
9 ایسا کیسے ہوا ؟کیوں کہ خدا وند نے اپنے منتخب کئے ہو ئے بادشاہ کی حفا ظت کی۔
اس نے خدا کو پکارا تھا اور خدا نے اسکی سنی تھی۔