7
1 اِس کے بعد میں نے دیکھا کہ زمین کے چاروں کونوں پر چار فرشتے کھڑے ہیں وہ فرشتے چار ہواؤں کو پکڑے ہو ئے تھے تا کہ زمین پر سمندر پر یا کسی درخت پر ہوا نہ چلے۔
2 پھرمیں نے ایک دوسرے فرشتے کو مشرق سے آتے ہو ئے دیکھا وہ زندہ خدا کی مہر لئے ہو ئے تھا؛ اس فرشتے نے بلند آوا ز سے چاروں فرشتوں سے کہا جن کو خدا نے آ سمانوں اور سمندروں کو نقصان پہنچا نے کا اختیار دیاتھا۔
3 “تب تک تم زمین ، سمندر اور درخت کو نقصان مت پہنچا ؤ۔ جب تک ہم اپنے خدا کی خدمت گذاروں کے ما تھے پر نشانی نہیں لگا دیتے۔”
4 میں نے سنا ان کی تعداد جن پر خدا کی مہر سے نشا نی لگا ئی گئی تھی وہ ایک لا کھ چوا لیس ہزار تھے۔ جن کا تعلق بنی اسرائیل کے ہر قبیلے سے تھا۔
5 یہوداہ کے قبیلے میں سے ۱۲۰۰۰ پر
روبن کے قبیلہ میں سے ۱۲۰۰۰ پر
جاد کے قبیلہ میں سے ۱۲۰۰۰ پر
6 آشر کے قبیلہ میں سے ۱۲۰۰۰ پر
نقتا لی کے قبیلہ میں سے ۱۲۰۰۰ پر
منسی کے قبیلہ میں سے ۱۲۰۰۰ پر
7 شمعون کے قبیلہ میں سے ۱۲۰۰۰ پر
لاوی کے قبیلہ میں سے ۱۲۰۰۰ پر
اشکار کے قبیلہ میں سے ۱۲۰۰۰ پر
8 زبولون کے قبیلہ میں سے ۱۲۰۰۰ پر
یوسف کے قبیلہ میں سے ۱۲۰۰۰ پر
بنیمین کے قبیلہ میں سے ۱۲۰۰۰ پر
9 پھر میں نے ایک بڑے ہجوم کو دیکھا اور کوئی بھی ان کا شمار نہیں کر سکتا تھا۔ ان لوگوں کا تعلق ہر قوم ہر قبیلہ، ہر نسل اور دنیا کی ہر زبان کے بولنے والوں سے تھا۔ یہ سب لوگ تخت اور میمنہ کے سامنے سفید جا مے پہنے ہو ئے کھڑے تھے اور ان کے ہا تھوں میں کھجور کی ڈالیاں تھیں۔
10 وہ بڑی آوا ز سے چلا ئے“فتح ہمارے خدا کی ہے جو تخت پر بیٹھا ہے اور میمنہ سے ہے۔”
11 بزرگ اور چاروں جاندار وہاں تھے اور سب فرشتے ان کے اور تخت کے اطراف کھڑے تھے وہ فرشتے تخت کے سامنے اپنے چہروں کو جھکا ئے ہو ئے خدا کو سجدہ اور خدا کی عبادت کرنے لگے۔
12 اور انہوں نے کہا ، “آمین۔” ساری تعریف،جلال،حکمت،شکر، عزت، طا قت اور قدرت ہمارے خدا کے لئے ہی ہے جو ہمیشہ ہمیشہ کے لئے رہے گا۔“آمین۔”
13 اور بزرگوں میں سے ایک نے مجھ سےپوچھا،“یہ سفید پو شاک پہنے ہوئے کون لو گ ہیں اور کہاں سے آئے ہیں؟”
14 میں نے جواب دیا، “جناب آپ ہی جانتے ہیں کہ وہ کو ن ہیں؟”
اور بزرگ نے مجھ سے کہا“یہ وہ لوگ ہیں جو بہت سختیاں سہہ کر آئے ہیں انہوں نے اپنے جا مے میمنہ کے خون سے دھو کر سفید کئے ہیں۔
15 اس لئے اب یہ لوگ خدا کے تخت کے سامنے ہیں اور وہ دن رات اس کے گھر میں اس کی عبادت کرتے ہیں۔وہ جو تخت پر بیٹھا ہے ان کی حفا ظت کرے گا۔
16 وہ اب کبھی بھو کے نہ رہیں گے اور نہ ہی پیاسے ہوں گے اور یہ سورج ان کا کچھ نہ بگا ڑے گا اور نہ ہی چلچلا تی دھوپ۔
17 میمنہ جو تخت کے درمیان ہے وہ ان کا چروا ہے کی طرح ان کی حفا ظت کرے گا اور انہیں ایسی ندیوں کے پا نی کی طرف لے جا ئے گا جو انہیں زندگی بخشے اور خدا ان کی آنکھوں سے تمام آنسو پو نچھے گا۔”