1  ✡ És 51:9-17Leve, leve! Abiye ou menm ak fòs ou, O Sion.

Abiye ak bèl vètman ou yo, O Jérusalem, vil sen an;

paske ensikonsi yo ak pa pwòp yo

p ap antre kote ou a ankò.

2 Souke leve kò ou ✡ És 29:4sòti nan pousyè a,

O kaptif Jérusalem nan!

Retire chenn sa yo nan kou ou,

O fi kaptif a Sion an.

3 Paske konsa pale SENYÈ a: “Ou te vann pou granmesi

e ou va ✡ És 1:27rachte san vèse lajan.”

4 Paske konsa pale SENYÈ a:

“Pèp Mwen an nan kòmansman,

✡ Jen 46:6te desann an Égypte pou rezide la,

epi Asiryen yo te oprime yo san koz.

5 Alò, pou sa, kisa Mwen gen pou fè isit la?” deklare SENYÈ a,

“konsi pèp Mwen an te retire san koz?”

Ankò deklare SENYÈ a:

“Konsi, pèp Mwen rachte pou reyen,

epi sila ki renye sou yo giyonnen yo ak kè kontan,

e ✡ Éz 36:20-23non Mwen blasfeme tout lajounen,

6 pou sa, pèp Mwen an va ✡ És 49:23konnen non Mwen.

Pou sa, nan jou sa a, yo va konnen se Mwen menm k ap pale.

Gade byen, se Mwen!”

7 A la bèl sou mon yo, se pye a sila ki pote ✡ És 40:9bòn nouvèl la,

ki anonse lapè,

ki pote bòn nouvèl k ap fè kè kontan,

ki anonse Sali,

ki di a Sion: “Bondye pa ou a renye!”

8 Gadyen ou yo leve ✡ És 62:6vwa yo.

Yo rele fò ak kè kontan ansanm;

paske yo va wè ak pwòp zye yo

lè SENYÈ a retounen nan Sion an.

9 Eklate, rele ak jwa ansanm, kote ki dezole Jérusalem yo,

paske SENYÈ a te konsole pèp Li a.

Li te ✡ És 43:1rachte Jérusalem.

10 SENYÈ a te dekouvri sen bra Li pou tout nasyon yo wè.

✡ És 45:22Tout dènye pwent latè yo te wè sali a Bondye nou an.

11  ✡ És 48:20Sòti! Sòti! Kite kote sa a!

Pa touche anyen ki pa pwòp!

Sòti nan mitan li!

Vin pirifye nou menm!

Netwaye nou, nou ki pote veso SENYÈ a.

12 Nou p ap kite ak gran vites,

ni nou p ap kouri devan moun;

paske ✡ És 26:7SENYÈ a va ale devan nou

e Bondye Israël la va fè gad an aryè.

13 Gade byen, ✡ És 42:1sèvitè Mwen an va aji avèk sajès.

Li va leve wo, e vin egzalte anpil.

14 Menm jan ke anpil moun te etone de ou—

konsa ✡ És 53:2-3aparans Li te defòme plis ke tout lòt moun,

e fòm li plis ke fis a lòm yo.

15 Konsa, Li va farinen sou anpil nasyon.

Wa yo va pe bouch yo pou koz Li;

paske ✡ Wo 15:21sa ke yo pa t konn tande a, yo va wè l,

e sa ke yo pa t koute, yo va konprann li.