49
ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܒܢܝ̈ ܩܘܪܚ.
1 ܫܡܹܥܡܘܼܢ ܐܵܗܵܐ ܟܠܵܝܗܝ ܥܲܡܡܹ̈ܐ،
ܗܲܒ݂ܠܘܼܢ ܢܵܬܵܐ ܟܠܵܝܗܝ ܥܵܡܪ̈ܵܢܹܐ ܕܒܪܝܼܬܵܐ،
2 ܐܘܼܦ ܒܢܲܝ̈ ܐܵܕܵܡ ܐܘܼܦ ܒܢܲܝ̈ܢܵܫܵܐ،
ܥܲܡ ܚܕܵܕܹ̈ܐ ܥܲܬܝܼܪܵܐ ܘܣܢܝܼܩܵܐ.
3 ܦܘܼܡܝܼ ܒܸܬ ܗܲܡܙܸܡ ܚܸܟ݂ܡܬܵܐ،
ܘܗܲܓܲܝܬܵܐ ܕܠܸܒܝܼ ܦܲܪܡܲܝܬܵܐ.
4 ܒܸܬ ܨܲܠܹܝܢ ܠܡܲܬܠܵܐ ܢܵܬܝܼ،
ܘܦܵܬܚܹܢ ܒܟܸܢܵܪܵܐ ܩܸܨܸܡܬܝܼ.
5 ܩܵܡܘܿܕܝܼ ܙܵܕܥܹܢ ܒܝܵܘܡܵܢܹ̈ܐ ܕܒܝܼܫܬܵܐ،
ܟܲܕ ܥܵܘܠܵܐ ܕܕܵܒ݂ܩܵܢܹ̈ܐ ܕܥܸܩܒܝܼ̈ ܚܲܪܕܝܼ ܠܝܼ؟
6 ܐܵܢܝܼ ܟܹܐ ܣܵܒܪܝܼ ܒܕܵܘܸܠܬܵܝܗܝ،
ܘܒܦܸܪܝܘܼܬܵܐ ܕܥܘܼܬܪܵܝܗܝ ܟܹܐ ܫܲܒ݂ܗܸܪܝܼ.
7 ܠܐܲܚܘܿܢܵܐ ܦܲܪܘܼܩܹܐ ܠܹܐ ܡܵܨܹܐ ܦܲܪܸܩ ܐܢܵܫܵܐ،
ܠܹܐ ܡܵܨܹܐ ܝܵܗܒܹܠܔ ܠܐܲܠܵܗܵܐ ܛܝܼܡܵܐ ܕܦܘܼܪܩܵܢܹܗ،
8 (ܣܵܒܵܒ ܛܝܼܡܵܢܵܐ ܝܠܹܗ ܦܘܼܪܩܵܢܵܐ ܕܓܵܢܵܐ،
ܒܵܣ ܫܒ݂ܘܿܩ ܫܵܠܹܐ ܠܥܵܠܲܡ)
9 ܘܗܸܫ ܚܵܝܹܐ ܠܥܵܠܲܡ،
ܘܠܵܐ ܚܵܙܹܐ ܚܪܵܒ݂ܵܐ.
10 ܣܵܒܵܒ ܟܹܐ ܚܵܙܹܐ ܠܚܲܟܝܼܡܹ̈ܐ ܕܟܹܐ ܡܵܝܬܝܼ،
ܥܲܡ ܚܕܵܕܹ̈ܐ ܣܲܟ݂ܠܵܐ ܘܐܲܗܡܲܩ ܟܹܐ ܛܵܠܩܝܼ،
ܘܟܹܐ ܫܵܒ݂ܩܝܼ ܠܐܚܹܪ̈ܢܹܐ ܕܵܘܸܠܬܵܝܗܝ.
11 ܟܹܐ ܚܵܫܒ݂ܝܼ ܒܵܬܵܝ̈ܗܝ ܠܥܵܠܲܡ ܝܼܢܵܐ،
ܒܹܝܬ ܡܲܥܡܪܵܝܗܝ ܠܕܵܪܵܐ ܘܕܵܪܵܐ،
ܘܩܪܹܐ ܠܗܘܿܢ ܐܲܪ̈ܥܵܬܹܐ ܒܫܸܡܵܢܵܝ̈ܗܝ.
12 ܐܝܼܢܵܐ ܒܲܪܢܵܫܵܐ ܒܐܝܼܩܵܪܵܐ ܠܹܐ ܥܲܪܩܸܠܔ،
ܟܹܐ ܕܵܡܹܐ ܠܗܲܝܘܵܢܹ̈ܐ ܕܛܵܠܩܝܼ،
13 ܐܵܗܵܐ ܝܠܵܗ̇ ܐܘܼܪܚܵܝܗܝ، ܣܲܟ݂ܠܘܼܬܵܐ ܐܸܠܵܝܗܝ،
ܘܐܵܙܵܠ݇ܢܹ̈ܐ ܕܒܵܬܪܵܝܗܝ ܕܒܵܣܡܵܐ ܠܗܘܿܢ ܒܚܲܒܪ̈ܵܝܗܝ.
ܣܹܠܵܗ
14 ܐܲܝܟ݂ ܥܸܪ̈ܒܹܐ ܠܫܝܘܿܠܔ ܪܫܝܼܡܹܐ ܝܢܵܐ،
ܡܵܘܬܵܐ ܒܸܬ ܗܵܘܹܐ ܪܵܥܝܵܝܗܝ،
ܘܬܪ̈ܘܼܨܹܐ ܒܸܬ ܗܲܟܡܝܼ ܥܲܠܵܝܗܝ ܒܨܲܦܪܵܐ،
ܘܨܘܼܪܬܵܝܗܝ ܒܸܬ ܒܵܠܝܵܐ ܒܫܝܘܿܠܔ ܪܸܚܩܵܐ ܡ̣ܢ ܒܵܬܵܝ̈ܗܝ ܫܲܦܝܼܪܹ̈ܐ.
15 ܐܝܼܢܵܐ ܐܲܠܵܗܵܐ ܒܸܬ ܦܲܪܸܩ ܠܓܵܢܝܼ ܡ̣ܢ ܐܝܼܕܵܐ ܕܫܝܘܿܠܔ،
ܣܵܒܵܒ ܒܸܬ ܩܲܒܸܠܔ ܠܝܼ.
ܣܹܠܵܗ
16 ܠܵܐ ܙܵܕܥܹܬ ܟܲܕ ܗܵܘܹܐ ܥܲܬܝܼܪܵܐ ܐܢܵܫܵܐ،
ܟܲܕ ܙܵܐܹܕ ܐܝܼܩܵܪܵܐ ܕܒܲܝܬܹܗ.
17 ܣܵܒܵܒ ܒܡܵܘܬܹܗ ܠܹܐ ܠܲܒܸܠܔ ܡܸܢܕܝܼ،
ܠܹܐ ܨܵܠܹܐ ܒܵܬܪܹܗ ܐܝܼܩܵܪܹܗ.
18 ܐܵܦܸܢ ܒܚܲܝܘܼ̈ܗܝ ܠܓܵܢܹܗ ܟܹܐ ܒܲܪܸܟ݂ ܗܘܵܐ،
(ܒܗ̇ܝ ܕܒܸܬ ܚܲܩܪܝܼ ܠܘܼܟ݂ ܟܲܕ ܥܵܒ݂ܕܹܬ ܛܵܒ݂ܬܵܐ ܠܓܵܢܘܼܟ݂)،
19 ܒܸܬ ܐܵܙܹܠܔ ܠܟܸܣ ܐܲܒ݂ܵܗܵܬܘܼ̈ܗܝ،
ܗܲܠܔ ܥܵܠܲܡ ܠܹܐ ܚܵܙܝܼ ܒܲܗܪܵܐ.
20 ܒܲܪܢܵܫܵܐ ܕܐܝܼܬ ܠܹܗ ܐܝܼܩܵܪܵܐ ܐܝܼܢܵܐ ܠܵܐ ܦܲܪܡܹܐ،
ܟܹܐ ܕܵܡܹܐ ܠܗܲܝܘܵܢܹ̈ܐ ܕܛܵܠܩܝܼ.