113
परमप्रभुया भिंगु ज्याया प्रशंसा
1 हल्लेलूया!
अय् परमप्रभुया दासत,
वय्कःया नांया प्रशंसा या!
2 आः व न्ह्याबलें
परमप्रभुया नांया प्रशंसा जुइमा!
3 सूर्य लुइगु पुर्बंनिसें कयाः
सूर्य बिनावनिगु पच्छिम तक
परमप्रभुया नांया प्रशंसा याये!
4 परमप्रभु फुक्क जातित
स्वयाः तःधं,
वय्कःया महिमा आकाश
स्वयाः तःजाः।
5 झी परमेश्वर थें
जाःम्ह सु दु?
वय्कः तसकं तःजाःगु थासय्
थःगु सिंहासनय् च्वनादी।
6 अय्नं वय्कः आकाश व पृथ्वी
स्वयेत क्वछुनादी।
7 वय्कलं मगाःमचाःपिन्त
इमिगु दुःखं थकयादी,
वय्कलं छुं मदुपिन्त
फोहर मुनेगु थासं थकयादी।
8 अले इमित राजकुमारत नापं
वय्कःया थः हे मनूतय्
राजकुमारत नापं तयादी।
9 वय्कलं थारिम्ह मिसायात
वयागु हे छेँय्
इज्जत बियादी,
वय्कलं वयात
मचाखाचा बियाः
लय्ताय्कादी।
हल्लेलूया!